„როდრის და მბაპეს ოქროს ბურთი გამაკვირვებს", - მათეუსმა თავისი ფავორიტი დაასახელა

გერმანიის ნაკრების ყოფილმა ნახევარმცველმა ლოთარ მათეუსმა ოქროს ბურთისთვის ბრძოლაზე ისაუბრა.

„როდრი მსოფლიო ჩემპიონატის საუკეთესო ფეხბურთელად დასახელდა. მართლაც საუკეთესო იყო? ხშირად ფიფა ირჩევს მას, ვისი დაჯილდოებაც უშუალოდ ფინალის შემდეგ არის შესაძლებელი. როდრი მსოფლიო ჩემპიონატის გამარჯვებული გუნდის პლეიმეიკერი იყო, ისევე როგორც ორი წლის წინ, როდესაც ესპანეთი ევროპის ჩემპიონი გახდა, მან კი ოქროს ბურთი მოიპოვა. თუმცა, არ მჯერა, რომ ის ამ ჯილდოს წელსაც მოიგებს.

ესპანეთის ნაკრების გუნდური თამაშის გათვალისწინებით, ჯერ კიდევ უცნობია, ვინ მიიღებს ჯილდოს. უპირატესობას უსმან დემბელეს ვანიჭებ, რომელმაც პსჟ-სთან ერთად ჩემპიონთა ლიგა კვლავ მოიგო. კილიან მბაპე მსოფლიო ჩემპიონატის ოქროს ბუცის მფლობელია, თუმცა რეალთან ერთად ტიტულები არ მოუგია. გაოცებული დავრჩები, მას რომ ოქროს ბურთი გადასცენ.

ბაიერნის მაიკლ ოლისემ ბრწყინვალე თამაში აჩვენა - მან ბუნდესლიგასა და მსოფლიო ჩემპიონატზე ყველაზე მეტი საგოლე გადაცემა გააკეთა.

მან და ბუნდესლიგის საუკეთესო ბომბარდირმა ჰარი კეინმა ბაიერნთან ერთად დუბლი შეასრულეს, ხოლო მსოფლიო ჩემპიონატზე ორივე ნახევარფინალში გავიდა“, - დაწერა მათეუსმა თავის სვეტში.

თავად გერმანელმა ფეხბურთელმა ოქროს ბურთი 1990 წელს მოიგო, როცა გერმანიის ნაკრებთან ერთად მსოფლიო ჩემპიონობა იზეიმა.