ჟოზე მოურინიომ, ჩემპიონთა ლიგის ჯგუფური ეტაპის პირველ ტურში ინტერთან გამარჯვების (2:1) შემდეგ, ვინისიუს ჟუნიორი დაიცვა.
მიუხედავად იმისა, რომ ბრაზილიელმა ფეხბურთელმა სანტიაგო ბერნაბეუს სტვენა დაიმსახურა (უნდა აღვნიშნოთ, რომ მადრიდში შეკრებილ პუბლიკას მისთვის არც ოვაციები და ტაში მოუკლია), პორტუგალიელმა სპეციალისტმა მისი თავდადება დადებითად შეაფასა.
მოურინიოს თქმით, ფორვარდი ამჟამად საუკეთესო ფორმაში არ იმყოფება, თუმცა მან მოედანზე დიდი დაცვითი სამუშაო შეასრულა და დაღლილობამ განაპირობა ის მომენტები, როდესაც ვერ მოასწრო უკან ჩასვლა.
მწვრთნელმა აღნიშნა:
მე დიდ პატივს ვცემ ვინისიუსის ამ ვერსიას და დადგება დრო, როცა ისევ ის გადაწყვეტს თამაშების ბედს.
ინტერის ტაქტიკურმა სქემამ ვინგერებს საქმე გაურთულა, თუმცა მოურინიომ ხაზგასმით აღნიშნა, რომ ვინისიუსმა ყველაფერი გაიღო. ბრაზილიელმა მიმდინარე სეზონის საწყის ეტაპზე ხუთ შეხვედრაში 1 გოლი და 2 ასისტი მიითვალა, ხოლო გუნდს უახლოეს მატჩში რაიო ვალეკანოსთან ლა ლიგის დერბი ელის, სადაც მას მდგომარეობის გამოსწორების შანსი ექნება.
