დიტმარ ჰამანმა Goal-თან ინტერვიუში აღნიშნა, რომ ხვიჩა კვარაცხელია არა მხოლოდ მის პოზიციაზე, არამედ ზოგადად საუკეთესოა და ოქროს ბურთისთვის უნდა იბრძოლოს.
გერმანელის შეფასებით, გასული სეზონის მიხედვით ყველაზე წინ ხვიჩა კვარაცხელია, ლუის დიასი და ვინისიუსი არიან. ჰამანმა აღნიშნა:
ის გასულ სეზონში საუკეთესო მოთამაშე იყო. მსოფლიოს ჩემპიონატზე არ იყო საქართველოს ნაკრებთან ერთად, თუმცა ეს პატარა ქვეყანაა და მისი ბრალი არ არის, რომ ასე მოხდა.
წლევანდელი ოქროს ბურთის დაჯილდოება 26 ოქტომბერს ლონდონში გაიმართება. ხვიჩა კვარაცხელია Ballon D’or-ზე წინა წლებშიც იყო ნომინირებული. 2023 წელს მან მე-17 ადგილი დაიკავა, ხოლო 2025 წელს მე-12 პოზიციას დასჯერდა.
2025/26 წლების სეზონში პსჟ-ს რიგებში კვარამ ყველა ტურნირზე 48 მატჩში 19 გოლი და 11 საგოლე პასი მიითვალა, ჩემპიონთა ლიგაზე კი 16 თამაშში 10 გოლით და 7 ასისტით ტურნირის საუკეთესო ფეხბურთელადაც დასახელდა, თანაც გუნდთან ერთად ჩემპიონთა ლიგა, ლიგა 1, ევროპის სუპერთასი, საფრანგეთის სუპერთასი და საკონტინენტთაშორისო თასი მოიგო.
