მოსკოვის ლოკომოტივში ხვიჩა კვარაცხელიას ყოფილმა მწვრთნელმა, იური სიომინმა, ოქროს ბურთის დაჯილდოებაზე ისაუბრა.
სიომინმა აღნიშნა, რომ 2026 წელს ეს ჯილდო ქართველმა ვარსკვლავმა უნდა მოიგოს.
იურიმ განაცხადა:
ვფიქრობ, ხვიჩასთვის ტოპ-30 ცოტაა, რადგან მიმაჩნია, რომ ის ჯილდოს მოპოვების აშკარა კანდიდატია. ვინაიდან მას ამ წელს საუკეთესო მაჩვენებლები, მოგებული მატჩები და უმაღლეს დონეზე ჩატარებული თამაშების რაოდენობა აქვს, ის ერთ-ერთი პრეტენდენტი იქნება. მოგებს თუ არა - ეგ სხვა საკითხია.
ჩემთვის ძალიან საინტერესო იყო იმის ნახვა, რომ მიშელ პლატინიმ და ტონი კროოსმა ნათლად განაცხადეს, რომ ხვიჩა საუკეთესო მოთამაშე და ნომერ პირველი ფავორიტია. ნებისმიერი ადამიანი, ვინც უყურებს და იცის ფეხბურთი, ხედავს, რომ ხვიჩა ერთ-ერთი მთავარი მოთამაშეა, რომელმაც ეს ჯილდო უნდა მოიპოვოს.
ხვიჩა კვარაცხელიამ გასულ სეზონში პარი სენ-ჟერმენთან ერთად ზედიზედ მეორედ მოიგო ჩემპიონთა ლიგა და ტურნირის საუკეთესო მოთამაშედაც დასახელდა. პარიზული გუნდის შემადგენლობაში მან ევროპის ყველაზე პრესტიჟულ ტურნირზე 16 შეხვედრა ჩაატარა, 10 გოლი გაიტანა და 6 საგოლე გადაცემა შეასრულა.
