როგორ გადაარჩინა დანა უაითმა ნინა დრამა გიჟი სტალკერისგან

ცნობილმა სტრიმერმა და წამყვანმა, ნინა დრამამ გაამხილა, თუ როგორ დაიცვა იგი UFC-ის პრეზიდენტმა, დანა უაითმა „გიჟი სტალკერისგან“.

მას შემდეგ, რაც ნინას ტელეფონის ნომერი ინტერნეტში გავრცელდა, უცნობმა პირმა მას შემაშფოთებელი ვიდეოების (მათ შორის, ადამიანებისთვის თავის მოკვეთის) გაგზავნა და მუქარა დაუწყო. ვითარება მას შემდეგ გამწვავდა, რაც სტალკერმა უთხრა, რომ ზუსტად იცოდა, სად ცხოვრობდა ინფლუენსერი.

შეშინებულმა ნინამ დახმარებისთვის დანა უაითს მიმართა. UFC-ის პრეზიდენტის რეაქცია მყისიერი იყო, მან საქმეში ანტიტერორისტული სამსახური ჩართო, რომელიც ნინას სახლში რამდენიმე წუთში მივიდა.

მეორე დილისთვის სტალკერი უკვე ნაპოვნი იყო. ის ფრენის აკრძალვის სიაში შეიყვანეს, რათა ვეგასში ჩასვლა და ნინასთან მიახლოება ვეღარასდროს შეძლოს.