ამერიკულმა სპორტულმა გამოცემამ 30 წლამდე ასაკის საუკეთესო MMA მებრძოლების ყოველწლიური რეიტინგი შეადგინა. ახალი მონაცემებით პირველ ადგილს ილია თოფურია იკავებს.
სტატიის ავტორები აღნიშნავენ, რომ ქართველი ჩემპიონი ამჟამად მსოფლიოში საუკეთესო ახალგაზრდა მებრძოლია და ყველა წონის რეიტინგშიც მოწინავე პოზიციაზე იმყოფება. შარშანდელი მონაცემების შემდეგ ილიამ უდიდესი პროგრესი განიცადა და ლიდერის სტატუსი დამსახურებულად მიიღო.
რაც შეეხება საუკეთესო ათეულის სხვა წევრებს, სიაში მოხვდნენ ისეთი ცნობილი მებრძოლები, როგორებიც არიან უმარ ნურმაგომედოვი, უსმან ნურმაგომედოვი, იან მაჩადო გარი, მაიკლ მორალესი, სონგ იადონგი, ნატალია სილვა, დაკოტა დიტჩევა, ჯოშუა ვენი და ქუილან სალკილდი.
აღსანიშნავია, რომ სიაში UFC ვარსკვლავებთან ერთად მოხვდნენ PFL და სხვა დიდი ორგანიზაციების წარმომადგენლებიც. სპორტული ანალიტიკოსების შეფასებით, თოფურიას პოზიცია იმდენად მყარია, რომ მის ლიდერობას უახლოეს მომავალში საფრთხე არ ემუქრება.
