რომელ ცნობილ ძმებს ჰქონდათ იტალიის ნაკრებში ნათამაშები ესპოზიტოებამდე?

იტალიის ნაკრებში ძმები, ფრანჩესკო პიო და სებასტიანო ესპოზიტოები თამაშობენ.

პირველად ისინი ნაკრების მაისურით მოედანზე ერთად 2026 წლის სექტემბერში, თურქეთთან მატჩში გავიდნენ. დღეს კი, საფრანგეთთან მატჩში, ერთად მოედანზე 62 წუთი გაატარეს, რის შემდეგაც სებასტიანო, რომელმაც, თავისი ძმისგან განსხვავებით, პენალტი ვერ გამოიყენა, შეცვალეს.

აღსანიშნავია, რომ მსგავსი რამ (ძმების მოედანზე ერთად ყოფნა) იტალიის ნაკრებში 2000 წლის შემდეგ არ მომხდარა.

სებასტიანო და ფრანჩესკო პიო ესპოზიტოებამდე იტალიის ნაკრებში მოედანზე ერთდროულად ბოლოს ფილიპო და სიმონე ინძაგები თამაშობდნენ. ეს 2000 წლის 15 ნოემბერს, ინგლისთან ამხანაგურ შეხვედრაში მოხდა, რომელიც იტალიამ 1:0 მოიგო.

ინძაგებმა მოედანზე ერთად მხოლოდ 11 წუთი გაატარეს: სიმონე თამაშში 61-ე წუთზე ჩაერთო, ფილიპო კი 72-ე წუთზე ალესანდრო დელ პიერომ შეცვალა.