მანჩინი: „უფრო დიდი ანგარიშით მოგებაც შეგვეძლო"

იტალიის ნაკრების მთავარმა მწვრთნელმა, რობერტო მანჩინიმ, ერთა ლიგაში საფრანგეთთან გამარჯვება (3:1) შეაფასა.

სპეციალისტმა ფეხბურთელები შეაქო, თუმცა აღნიშნა, რომ შემდეგი ამოცანა ბელგიაში მოგებაა.

„ბიჭები შესანიშნავები იყვნენ და მათ გამო ძალიან გახარებული ვარ. ეს გამარჯვება სტადიონზე მოსული გულშემატკივრებისთვის მნიშვნელოვანი იყო. პენალტი ვერ გავიტანეთ, მაგრამ სიმშვიდე შევინარჩუნეთ და ჩვენი თამაში გავაგრძელეთ.

ნაადრევად გავუშვით, თუმცა უფრო დიდი სხვაობითაც შეგვეძლო მოგება. დღეს ნანახით კმაყოფილი ვარ.

ახლა ბელგიაში აუცილებლად უნდა მოვიგოთ. წინ გრძელი გზაა, მაგრამ ნელ-ნელა მიზანს მივაღწევთ“, - აღნიშნა მანჩინიმ.