კრიშტიანუ რონალდუ კიდევ ერთ ისტორიულ მიღწევას მიუახლოვდა, ხოლო ალ ნასრი საჩემპიონო რბოლაში პოზიციებს იმყარებს.
ალ შაბაბთან მოპოვებულ 4:2 გამარჯვებაში, სადაც ჟოაო ფელიქსმა ჰეთ-თრიკი შეასრულა, რონალდუმ თავისი მე-100 გოლი გაიტანა ალ ნასრის მაისურით. ამ ნიშნულის მისაღწევად პორტუგალიელ ვარსკვლავს სულ რაღაც 105 მატჩი დასჭირდა, რასაც მან 18 საგოლე გადაცემაც დაამატა.
VIDEO: რონალდუს 971-ე გოლი - ალ ნასრმა მნიშვნელოვანი მატჩი მოიგო
100 გოლი 4 სხვადასხვა ლიგაში
ამ გოლით რონალდუ გახდა პირველი მოთამაშე ფეხბურთის ისტორიაში, რომელმაც 100-გოლიანი ზღვარი ოთხ სხვადასხვა ლიგაში გადალახა:
პრემიერ ლიგა - მანჩესტერ იუნაიტედი
ლა ლიგა - რეალ მადრიდი
სერია ა - იუვენტუსი
საუდის პრო ლიგა - ალ ნასრი
ამჟამად რონალდუს ანგარიშზე ჯამში 971 გოლია, რაც მას ფეხბურთის ისტორიაში ყველა დროის საუკეთესო ბომბარდირად ტოვებს. 1000-გოლიანი ნიშნული უკვე რეალურად გამოიყურება.
