"რთულია თავშეკავება, როცა დაქირავებულს გეძახიან", - ნეიმარი სანტოსის ქომაგთან კონფლიქტზე

ნეიმარმა სანტოსის ქომაგთან კონფლიქტზე ისაუბრა.

ინტერნასიონალთან მარცხის (1:2) შემდეგ, ნეიმარი ტრიბუნებისკენ გაეშურა, სადაც თავისივე გუნდის ერთ-ერთ გულშემატკივართან მოუვიდა კონფლიქტი.

„ემოციების მოზღვავების დროს თავის შეკავება რთულია, მითუმეტეს როცა უსამართლოდ შეურაცხყოფას გაყენებენ. არასდროს არ ვიკამათებ გულშემატკივართან, როცა ის თამაშის გამო მაკრიტიკებს - იქ მას სრული უფლება აქვს, გამოთქვას აზრი, ცუდად ვითამაშე თუ არა, ან თუნდაც დამისტვინოს. მაგრამ, ჩემი შეურაცხყოფის უფლება არავის აქვს - მითუმეტეს ისე, როგორც ეს მან გააკეთა (სამწუხაროდ, მხოლოდ მისი სიტყვები გავიგე, იმ მომენტში თამაში გაჩერებული იყო).

ამბობდე, რომ მეც და მამაჩემიც უბრალოდ დაქირავებული მუშები ვართ, ცუდად მოიხსენიებდე ჩემს ოჯახს და მეგობრებს... ბოდიში, მაგრამ ასეთ მომენტებში თავის შეკავება რთულია. (თუმცა ვხვდები, რომ ვალდებული ვარ).

სანტოსში იმისთვის დავბრუნდი, რომ კლუბს დავეხმარო როგორც მოედანზე, ისე მის ფარგლებს გარეთ. როგორც კი გულშემატკივრები ჩათვლიან, რომ კლუბისთვის სასარგებლო აღარ ვარ, მე თვითონ ავკრიფავ ჩემს ნივთებს და წავალ!

სანტოსი - ჩემი ერთ-ერთი უდიდესი ვნებაა და სანამ ძალა გამაჩნია, ამ კლუბისთვის ბოლომდე დავიხარჯები... ვირბენ, ვიბრძოლებ, ვიყვირებ და თუ საჭიროა ვიჩხუბებ კიდეც, რათა დავაბრუნო სანტოსი იქ, სადაც მისი ადგილია." - წერს ბრაზილიელი ფეხბურთელი.