სად გადადის მეფე? ლებრონმა გადაწყვეტილება გამოაცხადა

ლებრონ ჯეიმსმა სოციალურ ქსელში განცხადება გაავრცელა და გამოაცხადა თუ სად გააგრძელებს კარიერას.

,,ვფიქრობდი, რომ სეზონის დასრულებასთან ერთად ჩემი კარიერაც დასრულდა. ამის გამოცხადებისთვის მზად არ ვიყავი და ვიცოდი, რომ საბოლოო გადაწყვეტილების მისაღებად დრო მჭირდებოდა, თუმცა თითქმის დარწმუნებული ვიყავი, რომ ჩემი ბოლო მატჩი უკვე ჩავატარე.

იმ ბოლო პრესკონფერენციაზე გულწრფელი ვიყავი, როდესაც ვთქვი, რომ საკუთარ თავში უნდა ჩამეხედა და გამერკვია, ისევ მიყვარს თუ არა ეს თამაში. და დიახ, ეს თამაში ისევ მთელი გულით მიყვარს. ჯერ კიდევ ბევრი მაქვს გასაცემი.

ბოლო რამდენიმე კვირა ნამდვილად განსაკუთრებული იყო. ცხოვრებაში პირველად მქონდა შესაძლებლობა, საერთოდ არ მცოდნოდა, შემდეგ რა უნდა გამეკეთებინა და რეალურად მხოლოდ ფიქრისთვის დამეთმო დრო. გასაოცარი თვეები გავატარე იმ ადამიანებთან ერთად, რომლებიც ყველაზე მეტად მიყვარს, და ყველანი ერთად ვცდილობდით გაგვერკვია, რა იქნებოდა სწორი გადაწყვეტილება.

ეს ჩემი საბოლოო არჩევანია.

ფულის გამო არ ვთამაშობ. ოჯახის გამოც არ ვთამაშობ. ამ ეტაპზე საკუთარ თავს მხოლოდ ერთ კითხვას ვუსვამ, რისთვის ვთამაშობ?

მე ისევ მზად ვარ მსხვერპლი გავიღო. ისევ მზად ვარ ვიშრომო. ისევ მზად ვარ ყოველდღიურად ვიბრძოლო. ისევ მინდა კონკურენცია, გამარჯვება და კიდევ ერთხელ ჩემპიონობის განცდის შესაძლებლობა.

მჯერა, რომ შემიძლია ფილადელფია სევენთისიქსერსს ჩემპიონობისთვის მებრძოლ გუნდად ჩამოყალიბებაში დავეხმარო. უზომოდ აღფრთოვანებული ვარ, რომ ახალ გულშემატკივრებს ენერგიას შევმატებ და ამ საოცარ მოგზაურობას, კარიერაში უკანასკნელად, სწორედ აქ დავიწყებ.

მადლობა, ლოს-ანჯელეს. მაიამი, ყოველთვის მეყვარები. და ჩრდილო-აღმოსავლეთი ოჰაიო მუდამ ჩემი სახლი იქნება." - წერს ლებრონი სოციალურ ქსელში.

ლებრონ ჯეიმსი ფილადელფია სევენთისიქსერსთან ორწლიან, 8 მილიონი დოლარის ღირებულების კონტრაქტს გააფორმებს, რომელიც მოთამაშის არჩევანის (player option) პუნქტსაც მოიცავს.