ESPN-ის ინსაიდერის, შამს ჩარანიას ინფორმაციით, ბოსტონ სელტიკსმა NBA-ის 2024 წლის ფინალების MVP, ჯეილენ ბრაუნი, ფილადელფია სევენთისიქსერსში ხმაურიანი გაცვლის ფარგლებში გაუშვა.
გარიგების სანაცვლოდ ფილადელფია ბოსტონს პოლ ჯორჯს, დრაფტის პირველი რაუნდის ორ პიკს (2028 და 2031 წლების) და მეორე რაუნდის ორ პიკს (2028 და 2030 წლების) გადასცემს.
ბრაუნის მომავალი ბოსტონში ბოლო კვირების განმავლობაში კითხვის ნიშნის ქვეშ იდგა.
სელტიქსმა სცადა მისი და პირველი რაუნდის ორი დაუცველი პიკის მილუოკი ბაქსში გაცვლა იანის ანტეტოკუნმპოს სანაცვლოდ, თუმცა ბაქსმა საბოლოოდ მაიამი ჰიტთან დადო შეთანხმება.
ამის შემდეგ ბოსტონმა სხვა სავაჭრო პარტნიორების ძებნა დაიწყო.
ჩარანიას წყაროების ცნობით, კლუბი ბრაუნს აქტიურად სთავაზობდა ლიგის სხვადასხვა გუნდს. ამავე წყაროების ინფორმაციით, თავად ბრაუნს ბოსტონიდან წასვლა არასოდეს მოუთხოვია.
ბოსტონში მიმავალი დრაფტის პიკების დეტალები ასეთია:
• 2028 წლის პირველი რაუნდის პიკი შესაძლოა გადაიქცეს გაცვლის უფლებად, რომელიც ბოსტონისთვის უფრო ხელსაყრელი იქნება;
• 2031 წლის პირველი რაუნდის პიკი ფილადელფიის დაუცველი პიკია;
• 2028 წლის მეორე რაუნდის პიკი იქნება უორიორსის, თანდერისა და ბაქსის პიკებს შორის საუკეთესო;
• 2030 წლის მეორე რაუნდის პიკი იქნება უიზარდსის, ტრეილ ბლეიზერსისა და სანსის პიკებს შორის საუკეთესო.
ბრაუნი ბოსტონს ტოვებს, როგორც 5-გზის ოლ-სტარი, 2024 წლის აღმოსავლეთ კონფერენციის ფინალის MVP და NBA-ის ფინალების MVP.
მან მნიშვნელოვანი როლი ითამაშა სელტიქსის მიერ ისტორიული, მე-18 ჩემპიონობის მოპოვებაში.
ოქტომბერში 30 წლის შემსრულებელი ბრაუნი კარიერის საუკეთესო სეზონის შემდეგ ტოვებს გუნდს. MVP-ის კენჭისყრაში მან მე-6 ადგილი დაიკავა, მოხვდა All-NBA-ის მეორე სიმბოლურ გუნდში და ბოსტონს 56 გამარჯვების მიღწევაში დაეხმარა.
საშუალოდ მატჩში აგროვებდა 28.7 ქულას, 6.9 მოხსნასა და 5.1 შედეგიან გადაცემას, რაც მისი კარიერის ერთ-ერთ საუკეთესო მაჩვენებლებს წარმოადგენს.
NBA-ის ერთ-ერთი საუკეთესო ორმხრივი ფორვარდი, ბრაუნი ჯეისონ ტეიტუმთან ერთად თითქმის ათწლეულის განმავლობაში იყო ბოსტონის მთავარი საყრდენი.
ის 2016 წლის დრაფტზე კალიფორნიის უნივერსიტეტიდან მე-3 ნომრად აირჩიეს. NBA-ში მოსვლის შემდეგ ჩატარებული 142 პლეი-ოფის მატჩით ბრაუნი ლიგის ყველა მოთამაშეს შორის პირველ ადგილზეა ამ პერიოდში.
ფილადელფიაში ის შეუერთდება ჯოელ ემბიიდს, ტაირის მაქსის, ვი-ჯეი ეჯკომბს და იმ სიქსერსს, რომელმაც გასულ სეზონში ბოსტონი პლეი-ოფის პირველივე რაუნდში გამოაგდო.
პოლ ჯორჯი, რომელიც 36 წლისაა, 9-გზის ოლ-სტარია და კარიერაში მე-5 გუნდში ითამაშებს.
მან ბოლო ორი სეზონი ფილადელფიაში გაატარა და 78 მატჩში საშუალოდ 16.7 ქულასა და 5.3 მოხსნას აგროვებდა.
ჯორჯი მიმდინარე სეზონში 54.1 მილიონ დოლარს გამოიმუშავებს და 2027/28 წლების სეზონისთვის 56.6-მილიონიანი ოფცია აქვს.
ბრაუნი კი მიმდინარე სეზონში 57 მილიონ დოლარს მიიღებს, შემდეგ სეზონში - 61 მილიონს, ხოლო 2028/29 წლების სეზონში - 64.9 მილიონს.
გარდა ამისა, 26 ივლისიდან მას ერთწლიანი კონტრაქტის გახანგრძლივების ხელმოწერის უფლებაც ექნება.
