,,მადლობა, ლებრონ" - ლეიკერსი მეფეს დაემშვიდობა

ლოს ანჯელეს ლეიკერსი ლებრონ ჯეიმსს დაემშვიდობა.

„ლებრონ ჯეიმსი ისტორიაში ერთ-ერთი უდიდესი სპორტსმენია. ჩვენ ყოველთვის მადლიერები ვიქნებით იმ 8 წლისთვის, რომელიც მან ლეიკერსში გაატარა.

მათ შორის 2020 წლის ჩემპიონობისთვის, რომლის მოპოვებაშიც მან გუნდი წარმოუდგენლად რთულ პირობებში უხელმძღვანელა, და იმ უთვალავი რეკორდისთვის, რომელიც მან იასამნისფერ და ოქროსფერ ფორმაში დაამყარა.

ვუსურვებთ მას ყოველივე საუკეთესოს მომავალში, როგორც მოედანზე, ისე მის ფარგლებს გარეთ. ის ყოველთვის დარჩება ლეიკერსის ოჯახის ძვირფას წევრად.

მადლობა, ლებრონ.“ - აცხადებს  ლეიკერსის პრეზიდენტი, ჯინი ბასი.

„არა, პირიქით, მადლობა თქვენ!

ნამდვილად დიდი პატივი იყო ამ ფორმის ტარება და იმ დიდების და მემკვიდრეობის გაგრძელების მცდელობა, რომელიც ჩემამდე არსებობდა!

იმედი მაქვს, ჩემი ამ გუნდის შემადგენლობაში ყოფნის პერიოდში რამდენიმე ადამიანი მაინც გავახარე და ვაამაყე." - წერს ლებრონ ჯეიმსი სოციალურ ქსელში.

ლებრონ ჯეიმსი ლეიკერსში 2018 წელს კლივლენდ კავალიერსიდან გადავიდა და გუნდთან ერთად 2020 წელს ე.წ. "ბაბლის სეზონის" (კოვიდის გამო) ბეჭედი მოიგო.

უკვე ცნობილია, რომ 41 წლის ლებრონ ჯეიმსი კარიერას არ ასრულებს და NBA-ში მომავალ სეზონშიც იასპარეზებს.

მისი გადაბირების კანდიდატებად კი გოლდენ სტეიტ უორიორსთან ერთად მისი ყოფილი გუნდები, მაიამი ჰიტი და კლივლენდ კავალიერსი სახელდებიან.