ESPN-ის ინსაიდერის, შამს ჩარანიას ინფორმაციით, ლოს ანჯელეს ლეიკერსის ვარსკვლავი ოსტინ რივზი გუნდთან ახალ, ოთხწლიან და 185 მილიონი დოლარის ღირებულების მაქსიმალურ კონტრაქტს გააფორმებს, რომელიც 2029/30 წლების სეზონისთვის მოთამაშის ოფციას მოიცავს.
რივზმა უარი თქვა 14.9 მილიონი დოლარის მოთამაშის ოფციაზე, რათა ახალი შეთანხმებისთვის გზა გაეხსნა.
ეს კონტრაქტი NBA-ის ისტორიაში დრაფტზე არაყვანილი მოთამაშისთვის ყველაზე ძვირადღირებული ხელშეკრულება იქნება.
ლეიკერსსა და რივზის აგენტებს შორის მოლაპარაკებები ბოლო 10 დღის განმავლობაში მიმდინარეობდა.
წყაროების ცნობით, NBA-ის ფინალის დასრულებიდან მალევე, კლუბის მფლობელებისა და ხელმძღვანელობის წარმომადგენლები რივზსა და მის აგენტებს სავარჯიშო ბაზაზე შეხვდნენ.
შეთანხმების მიღწევის მომენტში რივზი გოლფს თამაშობდა. მისი მრავალწლიანი პარტნიორი ამ დროს ფოტოებს იღებდა, სადაც კალათბურთელი გაზონზე დაწოლილი აღნიშნავდა ახალ კონტრაქტს, და ეს ფოტო Instagram-ზე გამოაქვეყნა.
მას მთელი კარიერის განმავლობაში ლეიკერსში თამაში სურს და მისთვის არაფერია იმაზე მნიშვნელოვანი, ვიდრე ამ ქალაქისთვის ჩემპიონობის მოგება.
რივზის ახალი კონტრაქტი ლეიკერსის ხელფასების ჭერის მოქნილობაზე გავლენას არ მოახდენს.
რივზი ხელშეკრულებას მას შემდეგ მოაწერს ხელს, რაც კლუბი ხელმისაწვდომ საბიუჯეტო სივრცეს სრულად გამოიყენებს. კონტრაქტის პირველ სეზონში მისი ანაზღაურება 41.3 მილიონი დოლარი იქნება.
მოსალოდნელი იყო, რომ თავისუფალი აგენტის სტატუსით რივზი რამდენიმე გუნდისგან, მათ შორის დეტროიტ პისტონსისგან, მაქსიმალური შეთავაზებების ინტერესს მიიღებდა, ამიტომ ლეიკერსმა საკუთარი აღზრდილი მოთამაშის მომავლის სწრაფად უზრუნველყოფა გადაწყვიტა.
გუნდის პრეზიდენტმა და გენერალურმა მენეჯერმა რობ პელინკამ სეზონის დასრულების შემდეგ პირდაპირ განაცხადა, რომ რივზის შენარჩუნება კლუბის ერთ-ერთი მთავარი პრიორიტეტი იყო.
მან თავისი გზა ლეიკერსში დაიწყო და ჩვენთვის მკაფიოდ თქვა, რომ სურს ეს გზა სწორედ აქ გააგრძელოს. ჩვენც გვინდა, რომ მისი ისტორია მეწამულ და ოქროსფერ ფორმაში გაგრძელდეს.
გასულ სეზონში რივზი საშუალოდ 23.3 ქულას, 5.5 შედეგიან გადაცემას, 4.7 მოხსნას და 1.1 ჩაჭრას აგროვებდა.
ის მოედნიდან 49%-იანი, ხოლო სამქულიანებიდან 36%-იანი სიზუსტით ისროდა. თუმცა, წვივისა და მუცლის ირიბი კუნთის ტრავმების გამო კარიერაში ყველაზე ცოტა. მხოლოდ 51 მატჩში ითამაშა.
სწორედ მუცლის ტრავმის გამო გამოტოვა მან ჰიუსტონ როკეტსთან პლეი-ოფის პირველი რაუნდის სერიის დასაწყისი.
28 წლის მცველი პლეი-ოფისთვის ინტენსიურად ემზადებოდა და დაბრუნების შემდეგ საშუალოდ 20.0 ქულასა და 5.8 შედეგიან გადაცემას აგროვებდა 6 შეხვედრაში, სანამ ლეიკერსი დასავლეთ კონფერენციის ნახევარფინალში ოკლაჰომა სიტი თანდერთან დამარცხდებოდა.
