ლებრონ ჯეიმსი: „არ ვიცი, რა მელის მომავალში“

ლოს-ანჯელეს ლეიკერსის სეზონი ოკლაჰომა სიტი თანდერის წინააღმდეგ დასრულდა.

და ჰაერში კიდევ უფრო დიდი დასასრულის შესაძლებლობა ტრიალებდა. შესაძლოა, ეს ლებრონ ჯეიმსის ლეიკერსში ყოფნის დასასრული იყოს, ან საერთოდაც მისი ბრწყინვალე NBA კარიერის დასასრული.

ცხადია, არ ვიცი, მომავალში რა მელის.

„ახლა, როცა დავმარცხდით, ყველაფერი ჯერ კიდევ ძალიან ახალია. არ ვიცი,“ - თქვა ჯეიმსმა მას შემდეგ, რაც ლეიკერსმა დასავლეთ კონფერენციის ნახევარფინალის მე-4 მატჩში ოკლაჰომა სიტისთან 115-110 წააგო.

„ვფიქრობ, შარშანაც, როცა მინესოტასთან წავაგეთ, ვთქვი, რომ სახლში დავბრუნდებოდი, ოჯახთან ერთად გადავაფასებდი ყველაფერს, დროს გავატარებდი მათთან. და როცა დრო მოვა, რა გადაწყვეტილებასაც მივიღებ, თქვენც გაიგებთ.“

თუ ეს მართლაც დასასრული იყო 41 წლის ჯეიმსისთვის, მან კარიერა შთამბეჭდავად დაასრულა. მან 24 ქულა და 12 მოხსნა დააგროვა და დაეხმარა ლეიკერსს დაბრუნებაში, მიუხედავად იმისა, რომ გუნდს მეორე ტაიმში 12-ქულიანი ჩამორჩენაც ჰქონდა.

თუმცა, მატჩის დასრულებამდე 20 წამით ადრე, როცა ლეიკერსი 111-110 აგებდა, ჯეიმსმა ახლო მანძილიდან ააცილა. ეს მცირე გულისტკივილი იყო ჯეიმსის სახელგანთქმულ კარიერაში, რომელმაც ლეიკერსში მე-8 სეზონი დაასრულა, ხოლო მთლიანობაში - 23-ე სეზონი.

როდესაც ჰკითხეს, ისევ უყვარს თუ არა კალათბურთი, ჯეიმსმა უპასუხა:

თამაშის სიყვარული ყოველთვის არსებობს. არ მგონია, ეს ოდესმე გაქრეს.

მისი თქმით, უფრო მნიშვნელოვანი პროცესია. მაგალითად, ის, რომ თამაშამდე 5 საათ-ნახევრით ადრე მიდის არენაზე.

„... ჩემთვის პროცესი ყოველთვის ბევრად უფრო მნიშვნელოვანი იყო, თუ პროცესის სიყვარული დავკარგავდი, ალბათ თამაშის სიყვარულსაც დავკარგავდი.“ - თქვა ჯეიმსმა.

VIDEO: კლივლენდმა სერია გაათანაბრა, ოკლაჰომამ - დახურა