VIDEO: ოკლაჰომა ლეიკერსთან სერიის დასრულებას უახლოვდება

NBA-ის პლეიოფში ლოს ანჯელეს ლეიკერსსა და ოკლაჰომა სიტი თანდერს შორის სერიის მე-3 მატჩი გაიმართა.

პირველ ტაიმში ლეიკერსმა წინააღმდეგობის გაწევა მოახერხა, თუმცა მე-3 მეოთხედიდან ოკლაჰომა მეტოქეს გაექცა და საბოლოოდ 108-131 იმარჯვა, სერიაში კი ანგარიში 3-0 გახდა.

მოქმედ ჩემპიონებს ეჯეი მიჩელმა (24 ქულა, 10 შედეგიანი გადაცემა) და შაი გილჯეს-ალექსანდერმა (23 ქულა, 9 შედეგიანი გადაცემა) ულიდერა.

ლეიკერსიდან კი საუკეთესოები რუი ჰაჩიმურა (21 ქულა) და ლებრონ ჯეიმსი (19 ქულა, 8 შედეგიანი გადაცემა) იყვნენ, თუმცა ეს მოგებისთვის საკმარისი არ აღმოჩნდა.

გუნდებს შორის მე-4 მატჩი 12 მაისს გაიმართება, სადაც ოკლაჰომა სერიის დახურვას შეეცდება.