VIDEO: წინ მე-7 მატჩია - სეზონის ფინალისტი ოკლაჰომაში გაირკვევა
29 მაი, 2026 · 0 წთ წასაკითხად
-
Aa
+
ფონტის ზომა
NBA-ის დასავლეთ კონფერენციის ფინალში, სან ანტონიო სპერსმა ოკლაჰომა სიტი თანდერთან სერიაში ანგარიში კიდევ ერთხელ გაათანაბრა და ტიტულისთვის ბრძოლის გასაგრძელებლად გუნდები მე-7 შეხვედრას გამართავენ - 3:3.
მატჩი ტექსასელთა უპირატესობით დაიწყო, მეორე მეოთხედში კი ოკლაჰომელებმა ვითარება შედარებით გამოასწორეს, გარდამტეხი კი მესამე პერიოდის 8-წუთიანი მონაკვეთი გამოდგა, როცა თანდერმა ქულა ვერ აიღო და მეტოქეს 20:0 გაქცევის საშუალება მისცა. საბოლოოდ, მიტჩ ჯონსონის ბიჭებმა 118:91 გაიმარჯვეს.
მთავარი როლი ისევ ვიქტორ ვემბანიამაც ჰქონდა, რომელმაც ორმაგი დუბლი მიითვალა - 28 ქულა, 10 მოხსნა, 2 ასისტი, 2 ჩაჭრა, 3 დაფარება; დილენ ჰარპერმა გუნდს 18 ქულა, 6 მოხსნა, 4 ასისტი შეჰმატა; სტეფონ ქასლმა - 17 ქულა, 5 მოხსნა, 9 ასისტი; ხოლო დეივინ ვასელმა - 12 ქულა, 1 მოხსნა, 2 ასისტი.
"ვფიქრობ, თანმიმდევრულები ვიყავით და გავაკეთეთ ის, რაც გვჭირდებოდა. ვენდეთ პროცესს და ვენდეთ კალათბურთის ღმერთებს", - აღნიშნა მატჩის შემდეგ ვემბანიამამ.
ოკლაჰომას მხარეს 15 ქულაზე მეტი არავის ჰქონია. ზოგადად, გუნდმა პარკეტიდან 37.23%-იანი სიზუსტით შეუტია - 94-დან 35 ბურთი ჩააგდო.
შედეგად, სან ანტონიოელებმა სერიაში წონასწორობა კიდევ ერთხელ აღადგინეს და გადამწყვეტ, მე-7 შეხვედრას უკვე ოკლაჰომაში ითამაშებენ - 31 მაისის, 04:00 საათიდან.
სეზონის ფინალში ამ წყვილში გამარჯვებულს ელოდება ნიუ იორკ ნიქსი, რომელსაც ბოლო 11 საპლეიოფო მატჩი ზედიზედ აქვს მოგებული და ტიტულზე 1999 წლის შემდეგ პირველად გაიწევს. ფინალურ სერიაში მოედნის უპირატესობა სან ანტონიო V ოკლაჰომას წყვილში გამარჯვებულს ექნება.
