სადიო მანემ სანაკრებო კარიერა დაასრულა.
34 წლის ფეხბურთელმა ეს გადაწყვეტილება მას შემდეგ მიიღო, რაც სენეგალის ნაკრები 2026 წლის მსოფლიო ჩემპიონატს მერვედფინალში გამოეთიშა (ბელგიასთან 2-3).
მანემ 14-წლიანი სანაკრებო კარიერის განმავლობაში ეროვნული გუნდის მაისური 130-ჯერ მოირგო და სენეგალური ფეხბურთის ნამდვილ ლეგენდად იქცა. მისი კარიერის უმთავრესი მიღწევა 2021 წლის აფრიკის ერთა თასის მოგებაა.
გამოსამშვიდობებელ წერილში, რომელიც სენეგალურმა გამოცემა Le Quotidien-მა გამოაქვეყნა, მანემ აღნიშნა:
იცოდეთ, რომ ამ დროშისთვის ყველაფერი გავიღე. მე ჩემი შესაძლებლობების მაქსიმუმი გავაკეთე და ყოველთვის სასტიკად ვიბრძოდი ჩვენი სამშობლოსთვის.
სადიო მანეს კარიერა, რომელიც საფრანგეთის მეცში დაიწყო და ლივერპულში თავბრუდამხვევი წარმატებით გაგრძელდა, ახლა ახალ ეტაპზე გადადის.
![ჟორჟი ენფილდზე იწყებს - ლივერპული vs ვილიარეალი [სასტარტო შემადგენლობები]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F4fda7802-d017-4957-ac74-f88ed120fe08&w=3840&q=75)
