სალაჰის უარი არაბეთს? - მას ევროპაში დარჩენა სურს

მოჰამედ სალაჰი, რომელიც ამ სეზონის ბოლოს ლივერპულს ტოვებს, შესაძლოა საუდის არაბეთის ნაცვლად ევროპაში დარჩეს და თურქულ ფენერბაჰჩეს შეუერთდეს.

მიუხედავად იმისა, რომ საუდელებს მისი ლიგის წარმომადგენლდად ქცევა სურთ, გავრცელებული ინფორმაციით, ეგვიპტელ ვარსკვლავს კარიერის მაღალ დონეზე გაგრძელება უნდა.

ფენერბაჰჩეს ხელმძღვანელობა სალაჰის აგენტს უკვე ორჯერ შეხვდა. ფეხბურთელი წლიურ ხელფასად 20 მილიონ ევროს ითხოვს, რაც კვირაში დაახლოებით 385 000 ევრო გამოდის. თურქულ კლუბს აქვს რესურსი, რომ 33 წლის ფორვარდის ფინანსური მოთხოვნები დააკმაყოფილოს.

სალაჰის ფენერბაჰჩეში გადასვლის შემთხვევაში, იგი ისეთ მოთამაშეებს შეუერთდება, როგორებიც არიან ნ’გოლო კანტე, ედერსონი და მარკო ასენსიო. საუდის არაბეთში გადასვლის ვარიანტი კვლავ აქტუალურია, სადაც მისით ბრენდან როჯერსის ალ-კადსია ინტერესდება. პარალელურად, ლივერპული სალაჰის შემცვლელად ლაიფციგის იან დიომანდეს კანდიდატურას განიხილავს.