სერბეთში გამართულ სამბოს ახალგაზრდულ ევროპის ჩემპიონატზე, საქართველოს ნაკრებმა 20 მედალი მოიპოვა.
18-წლამდელებს შორის, ევროპის ჩემპიონობა გიორგი ქაშიბაძემ (+98 კგ.) და თემო გოგრიჭიანმა (-53 კგ.) იზეიმეს, ვერცხლის მედლები გიორგი მებაღიშვილმა (-58 კგ.), ანა გაგოშიძემ (-80 კგ.) და მარიამ მწყერაშვილმა (+80 კგ.) მოიპოვეს, ხოლო ბრინჯაოს მედლებს სალომე ალანია (-47 კგ.), სოფიო გიუნაშვილი (-50 კგ.), ანანო კინწურაშვილი (-59 კგ.), ვლადიმირ მაჭურიძე (-79 კგ.) და ნიკოლოზ დგებუაძე (-98 კგ.) დასჯერდნენ.
21-წლამდელებს შორის, ევროპის ჩემპიონი მარიამ სიჭინავა (-59 კგ.) გახდა, ვერცხლის მედლები იაკობ გასიტაშვილმა (-64 კგ.) და მარიამ გაბიტაშვილმა (+80 კგ.) მოიპოვეს, ბრინჯაოს მედლებს კი თამარი სუხიაშვილი (-50 კგ.), გეგი წვერავა (+98 კგ.) და ბექა თურმანიძე (-79 კგ.) დაეუფლნენ.
ჩემპიონატის ფარგლებში, ქართველმა სამბისტებმა, 21-წლამდელებს შორის, საბრძოლო სამბოში ისტორიაში პირველად მიიღეს მონაწილეობა და 4 ბრინჯაოს მედალი მოიპოვეს - მირზა ციხელაშვილმა (-58 კგ.), ვიტო ჯაჯანიძემ (-64 კგ.), ვახტანგ შუღლაძემ (-79 კგ.) და ლუკა ნიქაბაძემ (-98 კგ.).
შედეგად, ჩვენი გუნდის სრული მონაგარი ასეთია - 3 ოქრო, 5 ვერცხლი და 12 ბრინჯაო.
