სამედიცინო შემოწმება ჩანიშნულია - მარმუშის ტრანსფერის დეტალები

მანჩესტერ სიტის თავდამსხმელი ომარ მარმუში ტოტენჰემში სამედიცინო შემოწმებას გაივლის.

The Athletic-ის ინფორმაციით, მხარეები იჯარის თაობაზე შეთანხმდნენ. გარიგება ფეხბურთელის სავალდებულო გამოსყიდვის პირობას მოიცავს.

გამოსყიდვის შემთხვევაში გარანტირებული თანხა 50 მილიონი ფუნტი იქნება, რასაც დამატებით 10 მილიონი ფუნტის ბონუსები დაემატება, საიდანაც 5 მილიონი გარანტირებულია.

ეგვიპტის ნაკრების ფეხბურთელი ჩრდილოლონდონურ კლუბთან ოთხწლიან კონტრაქტს გააფორმებს, კიდევ ერთი სეზონით გახანგრძლივების შესაძლებლობით.

მარმუშის ყოფილ კლუბ ფრანკფურტის აინტრახტს მომდევნო ტრანსფერიდან თანხის მიღების უფლება არ აქვს.

ტოტენჰემი მარმუშისა და მისი თანაგუნდელის, სავიოს, ერთობლივ ტრანსფერზე მუშაობდა. მას შემდეგ სპურსმა სავიო 85 მილიონი ფუნტის ღირებულების პაკეტის ფარგლებში დაიმატა.

მარმუშის ტრანსფერზე მუშაობა ტოტენჰემმა შედარებით ახლახან დაიწყო. ეგვიპტელს ეტიჰადის დატოვება მიმდინარე ზაფხულს შეეძლო, მიუხედავად იმისა, რომ მანჩესტერ სიტის მხოლოდ 2025 წლის იანვარში შეუერთდა.