ბორჯღალოსნებმა 2026 წლის რაგბი ევროპის ჩემპიონატი შვეიცარიასთან სტუმრად გამართული მატჩით დაიწყეს.
ქართველებს პირველ ტაიმში შედარებით გაუჭირდათ, რაც ანგარიშზეც აისახა და მხოლოდ 3-7 იმარჯვეს. საქართველოს ნაკრებში სადებიუტო ლელო დადო ოთარ მეტრეველმა, რომელმაც ეს მე-16 წუთზე მოახერხა, გარდასახვა კი ზუსტად ლუკა მატკავამ შეასრულა.
მეორე ტაიმში ბორჯღალოსნებმა ბევრად დამაჯერებლად იასპარეზეს და 6 ლელოსა და 1 საჯარიმო ლელოს დადება მოახერხეს. თავი ტაბუცაძემ, ჯავახიამ, ჯალაღონიამ (2) და თაფლაძემ (2) გამოიჩინეს, ლუკა მატკავამ კი 5 გარდასახვა დაამატა თავის მონაგარს.
საქართველოს ნაკრებმა შვეიცარია 3-54 გაანადგურა და რაგბი ევროპის ჩემპიონატის A ჯგუფს სათავეში ჩაუდგა. ჯგუფის მეორე მატჩში ესპანეთმა ნიდერლანდები სტუმრად 33-51 დაამარცხა.
ბორჯღალოსნები მომდევნო მატჩს 15 თებერვალს ნიდერლანდების ნაკრების წინააღმდეგ სტუმრად გამართავენ.
