საქართველოს ნაკრები ივნისში ფარერებს დაუპირისპირდება

Geo Team-ის ინფორმაციით, ივნისში საქართველოს ნაკრები ორ ამხანაგურ მატჩს გამართავს.

ერთ-ერთი მეტოქე უკვე ცნობილია - 5 ივნისს საქართველოს საფეხბურთო ნაკრები ფარერების კუნძულებს დაუპირისპირდება.

მეორე ამხანაგური თამაშის მეტოქე ჯერჯერობით ცნობილი არ არის.

ფარერებთან ჩატარებული მატჩის ზუსტი დრო და ქალაქი მოგვიანებით გახდება ცნობილი, როცა ინფორმაცია ოფიციალურად დადასტურდება. 

საქართველოს ნაკრებს ფარერების წინააღმდეგ ისტორიაში ორი მატჩი აქვს ჩატარებული - 2008 წლის ევროპის საკვალიფიკაციო ეტაპზე სტუმრად 6:0 მოვუგეთ, შინ კი 3:1.