სიახლეები
სეტანტა
სპორტის გურუ
ქვიზები
-
Aa
+
ფონტის ზომა
დღეს უეფას კონფერენს ლიგის მეორე საკვალიფიკაციო ეტაპზე 2 ქართული გუნდი ითამაშებს.
თბილისში, მიხეილ მესხის სახელობის სტადიონზე იბერია 1999 ალბანურ პარტიზანს დაუპირისპირდება. მატჩი 20:00-ზე დაიწყება.
იბერიას პირველ ეტაპზე თამაში არ მოუწია და საქმეში მეორე რაუნდიდან ერთვება, ტირანის გუნდმა კი პირველ ეტაპზე მალტური მარსაქსლოკი ორი მატჩის ჯამში 3-2 დაამარცხა, ახლა კი ქართულ გუნდს დაუპირისპირდება.
ეს გუნდები კონფერენს ლიგის საკვალიფიკაციო ეტაპზე ორი წლის წინ უკვე შეხვდნენ ერთმანეთს. მაშინდელმა საბურთალომ პენალტების სერიაში სძლია მეტოქეს და შემდეგ ეტაპზე გავიდა.
დღის მეორე ქართული მატჩი კვიპროსში გაიმართება, სადაც ქუთაისის ტორპედო ომონიას დაუპირისპირდება. შეხვედრა 20:30-ზე დაიწყება.
ტორპედომ პირველ ეტაპზე ალბანური ტირანას ბარიერი გაიარა და მეტოქეს ორი მატჩის ჯამში 2-1 მოუგო, კვიპროსული გუნდი კი საქმეში იბერიას მსგავსად ამ ეტაპიდან ერთვება. ომონია და ტორპედო ერთმანეთს პირველად შეხვდებიან.
“პირველ რიგში მადლობა ომონიას კარგი დახვედრისთვის. საკმაოდ ძლიერი მეტოქე გვყავს და ვიცით, რომ წინ რთული მატჩი გველის. როგორც ყოველთვის, ჩვენს მეტოქეს ვაფასებთ და დიდ პატივს ვცემთ, მაგრამ ჩვენ ჩვენი მიზანი გვაქვს და ეს შემდეგ ეტაპზე გასვლაა. სამწუხაროდ, აურო ჟუნიორის სახით დიდი დანაკლისი გვაქვს, მაგრამ გვყავს ფეხბურთელები, რომლებიც ამ დანაკლისის შევსებას შეძლებენ. მათი მჯერა.” - განაცხადა ტორპედოს მთავარმა მწვრთნელმა სტივ კინმა.
აღნიშნული მეტოქეებთან გამარჯვებისა და შემდეგ ეტაპზე გასვლის შემთხვევაში, ქართული გუნდების სავარაუდო მეტოქეები უკვე ცნობილია.
კონფერენს ლიგაზე ქართული გუნდების სავარაუდო მეტოქეები გაირკვა
თ
თაზო ჩარკვიანი
კომენტარები