2026 წლის მსოფლიო ჩემპიონატის გახსნით მატჩში მექსიკასა და სამხრეთ აფრიკას შორის, ამერიკულმა ტელეკომპანია ფოქსმა ჰიდრატაციისთვის განკუთვნილი სამწუთიანი შესვენებები სარეკლამო ჭრებისთვის გამოიყენა.
ამ გადაწყვეტილებამ გულშემატკივრების უკმაყოფილება გამოიწვია, რადგან ტელეარხმა მატჩის განახლების შემდეგ რამდენიმე წამიანი სათამაშო დრო გამოტოვა.
ფიფამ მიმდინარე ტურნირზე ჰიდრატაციის შესვენებები შემოიღო, რაც თითოეული ტაიმის შუაში სამწუთიან პაუზას გულისხმობს. ორგანიზატორების განმარტებით, ეს მოთამაშეების კეთილდღეობაზე ზრუნვის ნაწილია. პრობლემა შეიქმნა მაშინ, როცა მექსიკის ნაკრების მიერ გატანილი გოლის შემდეგ შესვენება დაიწყო და ფოქსმა სარეკლამო ბლოკი დააგვიანა და მისი სრულად გაშვების მცდელობისას, მატჩის განახლების მომენტი ეკრანზე ვერ ასახა.
ამერიკულმა მედიამ გაავრცელა ინფორმაცია, რომ წესების მიხედვით, მაუწყებლებს რეკლამის დაწყება მსაჯის სასტვენიდან 20 წამის შემდეგ უნდა ეცადათ და მატჩს განახლებამდე მინიმუმ 30 წამით ადრე უნდა დაბრუნებოდნენ. ფოქსმა მატჩის მიმდინარეობისას ეს მოთხოვნა დაარღვია.
