ანდრეი კანჩელსკისმა ხვიჩა კვარაცხელიას პერსპექტივებსა და ოქროს ბურთის მოგების შანსებზე საუბრისას აღნიშნა, რომ ქართველი ფეხბურთელის შესაძლებლობებს დიდ პატივს სცემს, თუმცა მიიჩნევს, რომ მისთვის ამ ჯილდოს მიღება ძალზე რთული იქნება.
მანჩესტერ იუნაიტედის ყოფილმა ნახევარმცველმა ხვიჩას ტალანტი დადებითად შეაფასა, მაგრამ პარალელურად ხაზგასმით აღნიშნა, რომ ოქროს ბურთის მოსაპოვებლად მხოლოდ კარგი თამაში და ინდივიდუალური ოსტატობა საკმარისი არ არის, რადგან კონკურენცია და გლობალური ფავორიტების ფაქტორი გადამწყვეტ როლს თამაშობს.
ვეტერანი ფეხბურთელის თქმით, თანამედროვე ფეხბურთში ასეთი პრესტიჟული ჯილდოს მისაღებად საერთაშორისო ასპარეზზე გუნდური წარმატებები და მასშტაბური ტიტულებია საჭირო. მიუხედავად იმისა, რომ კვარას მაღალი კლასი ეჭვს არ იწვევს, კანჩელსკისმა დასძინა:
რთულია, როცა არ თამაშობ მსოფლიო ჩემპიონატზე. ამიტომ მგონია, რომ ხვიჩა ერთ-ერთია კანდიდატია, მაგრამ გულწრფელად რომ ვთქვა, არ მგონია, რომ ამ ჯილდოს იგი მიიღებს.
