„სასაცილო რაღაცები ვნახეთ", - მოურინიო პრესკონფერენციაზე სურათებით მივიდა

რეალის მთავარმა მწვრთნელმა ჟოზე მოურინიომ ლა ლიგის მე-7 ტურში ატლეტიკოსთან მარცხის (1:2) შემდეგ ბარსელონასთან 6-ქულიან ჩამორჩენაზე ისაუბრა.

„აშკარაა, რომ მეტი ქულის მოპოვება და პირველ ადგილზე ყოფნა გვსურს. თუმცა მთავარი ის კი არ არის, როგორ იწყება ყველაფერი, არამედ ის, თუ როგორ მთავრდება. უკვე ბევრი ვილაპარაკე, თუმცა ამ სეზონში უბრალოდ სასაცილო რაღაცები ვნახეთ - ისეთები, როგორიცაა გაუქმებული გოლი ოსასუნასთან მატჩში ან ბარსელონას პენალტი.

ვფიქრობდი, რომ სულ სხვა ლიგას ვნახავდი, განსხვავებულს იმისგან, რაც დავტოვე, თუმცა მიმანიშნეს, რომ ასე არ არის და ამის მიზეზებიც ამიხსნეს, მაგრამ ჩვენ მაინც ვიბრძოლებთ.

ჩემი მოთამაშეები გულდაწყვეტილები მიდიან, თუმცა მათი მწვრთნელი მათ ეხუტება. ელჩესთან თამაშიც რომ გავახსენოთ, პირველი ყვითელი ბარათი, რომელიც დიომანდეს უჩვენეს - ეს ნორმალური არ არის.

პირველი ტაიმი ძალიან რთული იყო, შეიძლებოდა ცხრა თერთმეტის წინააღმდეგ ვყოფილიყავით, ხოლო მეორე ტაიმი მათ სასარგებლოდ ათი თერთმეტის წინააღმდეგ დასრულდა, თუმცა ჩემი გუნდის მებრძოლი სული უფრო მომეწონა, - განაცხადა მოურინიომ.

მწვრთნელმა ასევე პრესკონფერენციაზე მიიტანა ამობეჭდილი სურათები იმ მომენტებისა, რომელშიც, მისი აზრით, ატლეტიკოს ფეხბურთელები გაძევებას იმსახურებდნენ.