"საზონოვი ტრანსფერზეა დაყენებული" - ტორინოს სპორტული დირექტორი

ტორინოს სპორტულმა დირექტორმა, ჯანლუკა პეტრაკიმ რომასთან მატჩში საბა საზონოვის განაცხადში არყოფნა ახსნა.

„ასლანი, საზონოვი და ნკუნკუ ის ფეხბურთელები არიან, რომლებიც ტრანსფერზე არიან დაყენებული და ეს საკმაოდ ნათელია. გასახდელში გარკვეული ზღვარი გავავლეთ. ვიცით, რა უნდა გავაკეთოთ.

როგორც სხვა დროსაც ავხსენი, ახლა 32 ფეხბურთელი გვყავს, ამიტომ ვიღაც უნდა წავიდეს, რომ სხვები მოვიდნენ. ამას გარდა, არსებობს ცნობილი სია, რომელიც უნდა დავიცვათ.

ეს პაზლის ნაწილების სწორად მორგების თამაშია, იანვარი სწორედ ამიტომ არის რთული, მაგრამ ჩვენ ზუსტად ვიცით, რომელ პოზიციებზე გვჭირდება ჩარევა და ამაზე ვმუშაობ.“ - განაცხადა ტურინელთა სპორტულმა დირექტორმა.

როგორც იწერება, ტორინოს დატოვება თავად საბა საზონოვსაც სურს. შეგახსენებთ, რომ ქართველი მცველი ზაფხულში ხეტაფეში გადასვლასთან იყო ახლოს, თუმცა მისი ტრანსფერი ჩაიშალა.

კოპა იტალიას 1/8 ფინალში ტორინომ სტადიო ოლიმპიკოზე რომა 2-3 დაამარცხა და შემდეგ ეტაპზე გავიდა.