შეთანხმება შედგა - ქართველი ტალანტი მსოფლიო გრანდში გადადის

ანდრია ბართიშვილი კარიერას ლონდონის არსენალში გააგრძელებს.

Geo Team-ის ინფორმაციით, 17 წლის შემტევი ლონდონში 1 სექტემბერს სამედიცინო შემოწმებისთვის გაფრინდება.

წყაროს ცნობით, ახალგაზრდა ქართველი არსენალის მთავარ გუნდთან 5-წლიან კონტრაქტს გააფორმებს.

არსენალი ქართველი შემტევის ტრანსფერში 4.5 მილიონ ევროს გადაიხდის.

ანდრია ბართიშვილი ახალ კლუბს 2027 წლის ზაფხულში შეუერთდება - მხოლოდ მას შემდეგ, რაც 18 წლის გახდება.

შეგახსენებთ, რომ 17 წლის შემტევი ფოთის კოლხეთის საკუთრებაა და იბერია 1999-ში იჯარის წესით თამაშობს.