სიახლეები
სეტანტა
სპორტის გურუ
ქვიზები
3 თვის წინ · 0 წთ წასაკითხად
-
Aa
+
ფონტის ზომა
ოლიმპიურ თამაშებზე არგენტინისა და მაროკოს ფეხბურთის მატჩი ორი საათით იყო შეჩერებული.
არგენტინა და მაროკო ერთმანეთს ოლიმპიური ტურნირის ჯგუფური ეტაპის პირველ ტურში დაუპირისპირდნენ.
მატჩის მე-16 კომპენსირებულ წუთზე არგენტინამ ანგარიშის გათანაბრება კრისტიან მედინას გოლით მოახერხა, თუმცა ამ მომენტში მსაჯი გლენ ნიუბერგი გოლის ეპიზოდის VAR-ზე გადასამოწმებლად წავიდა, იმის დასადგენად, იყო თუ არა თამაშგარე.
ზუსტად ამ დროს, სენტ-ეტიენის სტადიონ ჟოფრუა-გიშარზე არეულობა დაიწყო, ფანებმა მოედანზე შეცვენა დაიწყეს, რის გამოც მსაჯმა გუნდები გასახდელში გაიყვანა, ქომაგებს კი სტადიონის დატოვება სთხოვეს.
ორი საათის გასვლის შემდეგ, თამაში განახლდა - მსაჯმა არგენტინის გოლი თამაშგარის გამო გააუქმა და ფეხბურთელებს მოედანზე დარჩენილი სამი წუთის გატარების უფლება მისცა, რა დროშიც ანგარიში აღარ შეცვლილა და მაროკომ მატჩი 2:1 მოიგო.
თამაშის შემდეგ, არგენტინის ნაკრების ფეხბურთელებმა და მწვრთნელებმა მომხდარით გაოცება ვერ დამალეს. კერძოდ, არგენტინის ოლიმპიური ნაკრების მთავარმა მწვრთნელმა, ხავიერ მასკერანომ მომხდარს ყველაზე დიდი ცირკი უწოდა, რაც კი ცხოვრებაში უნახავს.
ნ
ნიკა შაქარაშვილი
კომენტარები