მსოფლიო ჩემპიონატზე ჯგუფში ჩარჩენამ სამხრეთ კორეის პრეზიდენტის განრისხება გამოიწვია.
სამხრეთ კორეის პრეზიდენტმა, ლი ჯე მიუნგმა განაცხადა, რომ სრულიად „გაოგნებულია“ ნაკრების ფიასკოთი და ფეხბურთის ფედერაციისგან სასწრაფო განმარტებებს ითხოვს.
მან პირდაპირ ეჭვქვეშ დააყენა ჰონ მიუნ-ბოს მთავარ მწვრთნელად დანიშვნის საკითხი და აღნიშნა, რომ სამწვრთნელო შტაბის შერჩევისას პროფესიონალიზმი და დამსახურებები პრიორიტეტი არ ყოფილა:
„არა მხოლოდ გაკვირვებული ვარ ამ მოულოდნელი შედეგით, არამედ სრულიად გაოგნებული“, - დაწერა პრეზიდენტმა სოციალურ ქსელ X-ში.
ამასთანავე, ქვეყნის ლიდერმა კულტურის, სპორტისა და ტურიზმის სამინისტროს ოფიციალურად უბრძანა, დაიწყოს საფუძვლიანი გამოძიება კრახის მიზეზების დასადგენად და შეაფასოს სამხრეთ კორეული ფეხბურთის მართვის სისტემაში სასწრაფო რეფორმების გატარების აუცილებლობა.
