NBA-ში გატარებული 21 სეზონის შემდეგ კრის პოლმა კარიერის დასრულების შესახებ განაცხადა.
"სულ ეს არის! 21 წელზე მეტი ხნის შემდეგ ვტოვებ კალათბურთს. ამას რომ ვწერ, რთულია ზუსტად ვიცოდე რას ვგრძნობ, მაგრამ ერთხელ მაინც, ბევრს გაუკვირდება, პასუხი არ მაქვს!
თუმცა უმეტესად სიხარულითა და მადლიერებით ვარ სავსე. მიუხედავად იმისა, რომ NBA-ის მოთამაშის ეს თავი დასრულდა, კალათბურთი სამუდამოდ დარჩება ჩემი ცხოვრების დნმ-ში. NBA-ში ჩემი ცხოვრების ნახევარზე მეტი გავატარე, სამი ათწლეულის განმავლობაში. თვითონ ამის თქმაც კი სიგიჟეა!
კალათბურთით ცხოვრება წარმოუდგენელი კურთხევა იყო, რომელსაც დიდი პასუხისმგებლობაც ახლდა თან. მე ყველაფერი მივიღე, კარგი და ცუდიც. როგორც ადამიანმა, რომელიც მთელი ცხოვრებაა სწავლობს, ვიცი, რომ ლიდერობა რთულია და სუსტებისთვის არ არის. ზოგს მოეწონები, ბევრს - არა.
მაგრამ მიზანი ყოველთვის მიზანი იყო და ჩემი განზრახვები ყოველთვის გულწრფელი იყო (ჯანდაბა, როგორ მიყვარს შეჯიბრება!)." - წერს 40 წლის პოლი სოციალურ ქსელში.
კრის პოლი NBA-ის დრაფტზე 2005 წელს ნიუ ორლეანს ჰორნეტსმა პირველი რაუნდის მე-4 პიკად აირჩია და 2006 წელს წლის ახალწვეული გახდა.
გამთამაშებელმა კარიერის განმავლობაში შემდეგ გუნდებში იასპარეზა - ნიუ ორლეანს ჰორნეტსი, ლოს ანჯელეს კლიპერსი, ჰიუსტონ როკეტსი, ოკლაჰომა სიტი თანდერი, ფინიქს სანსი, გოლდენ სტეიტ უორიორსი, სან ანტონიო სპურსი და ბოლოს ისევ ლოს ანჯელეს კლიპერსი.
კრის პოლი სულ ცოტა ხნის წინ ტორონტო რეპტორსში გაიცვალა, თუმცა კანადელებმა ის გუნდიდან დაითხოვეს და ამას მაშინვე მის მიერ კარიერის შესახებ განცხადების გავრცელებაც მოჰყვა.
პოლი ყველა ვარსკვლავის მატჩის 12-გზის მონაწილეა, 2013 წელს კი ოლ-სტარის MVP-ც კი გახდა. ის NBA-ის სეზონის საუკეთესო გუნდში 4-ჯერ მოხვდა, საუკეთესო დაცვით ხუთეულში კი 7-ჯერ.
