კრის პოლის დაბრუნება - როგორია კლიპერსის შემადგენლობა?

ლოს ანჯელეს კლიპერსის ოფიციალური გვერდის ცნობით, კრის პოლი კალიფორნიულ გუნდში დაბრუნდა.

ყველა ვარსკვლავის მატჩის 12-გზის მონაწილე NBA-ში თავის 21-ე სეზონს იწყებს. 40 წლის გამთამაშებელმა გასული სეზონი სან ანტონიო სპურსში გაატარა.

კრის პოლი დრაფტზე 2005 წელს ნიუ ორლეანს ჰორნეტსმა მე-4 პიკად აიყვანა, სადაც 2011 წლამდე ითამაშა, შემდეგ იყო კლიპერსი 2017 წლამდე.

2017-19 წლებში პოლი ჰიუსტონ როკეტსში ასპარეზობდა, შემდეგ ერთი სეზონი ოკლაჰომა სიტი თანდერში ითამაშა, 2020-23 წლებში ფინიქს სანსის გამთამაშებელი იყო, თითო სეზონი კი გოლდენ სტეიტ უორიორსსა და სან ანტონიოში გაატარა.

საინტერესოა თუ როგორ გამოიყურება კლიპერსის შემადგენლობა კრის პოლთან ერთად.

ჯეიმს ჰარდენი, ბრედლი ბილი, კრის პოლი, ბოგდან ბოგდანოვიჩი, კრის დანი; კავაი ლეონარდი, ჯონ კოლინსი, დერიკ ჯონს ჯუნიორი, ნიკოლას ბატუმი; ივიცა ზუბაჩი, ბრუკ ლოპესი.