სუპერ დამსახურებულად - სამინისტრომ ეთერ ლიპარტელიანი წლის საუკეთესო ქალ სპორტსმენად დაასახელა

საქართველოს სპორტის სამინისტროს ვერსიით, ქვეყნის 2025 წლის საუკეთესო ქალი სპორტსმენი ჯუდოკა ეთერ ლიპარტელიანი გახდა.

ლიპარტელიანი ისტორიაში პირველი ქართველი ქალი ჯუდოკაა, რომელმაც მსოფლიო ჩემპიონატი მოიგო - ეს წელს ბუდაპეშტში გააკეთა.

სპორტის სამინისტროს გარდა, ლიპარტელიანი საქართველოს 2025 წლის საუკეთესო ქალ სპორტსმენად საქართველოს ოლიმპიურმა კომიტეტმაც დაასახელა.

სამინისტროს ვერსიით, 2025 წლის საქართველოს საუკეთესო მამაკაცი სპორტსმენი გახდა მოფარიკავე სანდრო ბაზაძე, რომელმაც, ლიპარტელიანის მსგავსად, მსოფლიო ჩემპიონატი კარიერაში პირველად ასევე წელს მოიგო.