Sky Sports-ის სუპერკომპიუტერმა 10 000 სიმულაციაზე დაყრდნობით ინგლისის პრემიერ ლიგის 2026/27 წლების სეზონის საბოლოო ცხრილი შეადგინა.
მონაცემები ითვალისწინებს ისტორიულ მაჩვენებლებს, სატრანსფერო ბაზარსა და გუნდების შემადგენლობას.
არსენალი (პირველი ადგილი) - სუპერკომპიუტერი მეთოფეებს ტიტულის შენარჩუნებას უწინასწარმეტყველებს (სავარაუდო ქულათა ჯამი - 85.2). გუნდს ჩემპიონატის მოგების 50.6%-იანი შანსი აქვს.
მანჩესტერ სიტი (მე-2 ადგილი) - პეპ გვარდიოლას წასვლის შემდეგ ახალ ერაში შესული ქალაქელები კვლავ მეორე ადგილზე გავლენ და ჩემპიონს მჭიდროდ გაჰყვებიან.
ლივერპული (მე-3 ადგილი - ანდონი ირაოლას ხელმძღვანელობით, წითლები ორი პოზიციით წინ წაიწევენ და მესამე ადგილს დაიკავებენ (76.8 სავარაუდო ქულით).
მანჩესტერ იუნაიტედი (მე-4 ადგილი) - მაიკლ კერიკის გუნდი ოთხეულს შეინარჩუნებს, თუმცა წინა სეზონის ბოლო მონაკვეთთან შედარებით ერთი პოზიციით ქვემოთ ჩამოქვეითდება.
ჩელსი (მე-5 ადგილი) - ზაფხულის მასშტაბური ტრანსფერებისა და ჩაბი ალონსოს მოსვლის შემდეგ, ჩელსი ხუთეულში დაბრუნდება.
ტოტენჰემი (მე-6 ადგილი) - ტოტენჰემი საგრძნობლად გააუმჯობესებს გასული სეზონის მაჩვენებელს და 11 პოზიციით დაწინაურდება.
ასტონ ვილა (მე-7 ადგილი) - უნაი ემერის გუნდი ჩემპიონთა ლიგის ზონას მიღმა აღმოჩნდება და მე-7 ადგილს დასჯერდება.
ბრაიტონი (მე-8 ადგილი) - ტრადიციულად ძლიერი სტარტისა და სტაბილური თამაშის ფონზე, გუნდი კვლავ პირველ ათეულში ტრიალებს.
ბორნმუთი (მე-9 ადგილი) - სუპერკომპიუტერი ბორნმუთსაც საუკეთესო ათეულში უწინასწარმეტყველებს ადგილს.
ბრენტფორდი (მე-10 ადგილი) - ლონდონური კლუბი ათეულის ბოლო პოზიციას იკავებს.
ევერტონი (მე-11 ადგილი) - მოიესის შეგირდები ოდნავ აუმჯობესებენ გასული სეზონის მაჩვენებელს და მე-11 ადგილზე გადიან.
ფულემი (მე-12 ადგილი) - ალვარო არბელოას ხელმძღვანელობით გუნდი მყარად იკავებს ადგილს ცხრილის ცენტრში.
ნიუკასლი (მე-13 ადგილი) - ლიდერების გაყიდვისა და მწვრთნელების ცვლილების შემდეგ, კაჭკაჭებს წინ კიდევ ერთი რთული სეზონი ელოდებათ.
ლიდსი (მე-14 ადგილი) - ახლად დაბრუნებული გუნდი ძლიერთა შორის ადგილს შეინარჩუნებს.
სანდერლენდი (მე-15 ადგილი) - მიუხედავად წინა სეზონის დიდი წარმატებისა, სუპერკომპიუტერი მათ ქვედა ნაწილში ვარაუდობს.
კრისტალ პალასი (მე-16 ადგილი) - ოლივერ გლასნერის წასვლისა და ახალი ერის ფონზე, გუნდი გავარდნის ზონას ასცდება.
ნოტინგემ ფორესტი (მე-17 ადგილი) - ოლივერ გლასნერის შეგირდები გასავარდნი ზონის ზღვარზე იტრიალებენ.
სუპერკომპიუტერის პროგნოზით, პრემიერ ლიგაში ახალგადმოსული სამივე გუნდი - ქოვენთრი, იფსვიჩი და ჰალ სიტი უკან, ჩემპიონიფში დაბრუნდება.
