თოფურიამ ბელალის მუქარას უპასუხა და მახაჩევთან ბრძოლის სურვილი გამოთქვა

ილია თოფურიამ სოციალურ ქსელში ბელალ მუჰამედის მუქარას უპასუხა.

ქვესაშუალო წონის ჩემპიონმა ქართველი გააფრთხილა.

"ფრთხილად იყავი, რას ისურვებ. ისლამთან და მათთან ხუმრობა არ ღირს. იქ განსხვავებულები არიან. თუ გინდა ქუჩის ჩხუბი, ისინი გეჩხუბებიან." - განაცხადა მუჰამედმა.

ილიას პასუხი კი ასეთია.

"მოჩხუბარს რომ ცემით და ჩხუბით ემუქრებიან, უკვე მანდ ხედავ მათი ინტელექტის დონეს. შემაშინეს, გავიქცევი და დავიმალები."

ქვემსუბუქი წონის ჩემპიონმა ისლამ მახაჩევთან მალე ჩხუბის სურვილიც გამოთქვა.

"რა თქმა უნდა, მას დავამარცხებ. მახაჩევს აუცილებლად მალე დავუპირისპირდები. იმედია, ამ ჩხუბის მერე." - განაცხადა ქართველმა მებრძოლმა.

ილია თოფურია 26 ოქტომბერს UFC 308-ზე მაქს ჰოლოუეის წინააღმდეგ პირველად დაიცავს თავის საჩემპიონო ქამარს.