ესპანური ფიზიოთერაპიის ცენტრის დირექტორმა, ანხელ ვილიანუევამ, ხვიჩა კვარაცხელიას ტრავმის ეპიზოდი შეაფასა და მუხლის იოგების შესაძლო დაზიანებაზე ისაუბრა.
მისი შეფასებით, შეჯახებისას ქართველის მარჯვენა მუხლი ძალდატანებით შიგნით გადაიხარა, მაშინ როცა ტერფი მიწაზე დაფიქსირებული დარჩა და ფეხზე დატვირთვა მოდიოდა.
ვილიანუევა წერს, რომ ასეთი მექანიზმი წინა ჯვარედინი და შიგნითა გვერდითი იოგების ერთობლივი დაზიანებისთვის არის დამახასიათებელი. მის მიერ დასახელებული შესაძლო სარეაბილიტაციო ვადა ცხრა თვეა.
ეს ეპიზოდზე დაყრდნობით გამოთქმული შეფასებაა და არა დადასტურებული დიაგნოზი. შესაბამისად, მხოლოდ ამ მოსაზრების საფუძველზე კვარაცხელიას ტრავმის სიმძიმისა და დაბრუნების ვადის განსაზღვრა შეუძლებელია.
ქართველი ვარსკვლავის ზუსტი დიაგნოზი და ტრავმის სიმძიმე მხოლოდ კლუბის მიერ ჩატარებული გამოკვლევის შემდეგ გაირკვევა.
