წარმატებული ქართველი ქალი სპორტსმენები

8 მარტი ქალთა საერთაშორისო დღეა. ქართული სპორტის ისტორიაში არაერთი წარმატებული ქალი სპორტსმენი მოიძებნება. გთავაზობთ სხვადასხვა სპორტის გამორჩეულ წარმომადგენლებს.

ნონა გაფრინდაშვილი - ჭადრაკი

ლეგენდარულ ქართველ მოჭადრაკეს დიდი წარდგენა არ სჭირდება: ნონა გაფრინდაშვილი პირველი ქალია, ვისაც საერთაშორისო დიდოსტატის წოდება ვაჟთა შორის მიენიჭა. მსოფლიოს 5-გზის ჩემპიონი. 11 გუნდური და 9 პირადი ოლიმპიური ოქროს მფლობელი. საბჭოთა კავშირის ხუთგზის ჩემპიონი. ჭადრაკის „ოსკარის“ მფლობელი. მე-20 საუკუნის საუკეთესო ქართველი ქალი სპორტსმენი.

მედეა (მზია) ჯუღელი - სპორტული ტანვარჯიში

სპორტული ტანმოვარჯიშე. პირველი ქართველი ოლიმპიური ჩემპიონი ქალი. საბჭოთა კავშირის 7-გზის ჩემპიონი. 2 მსოფლიო ჩემპიონატის ლაურეატი.

ქეთევან ლოსაბერიძე - მშვილდოსნობა

ერთადერთი ევროპელი მშვილდოსანი ქალი, რომელიც ოლიმპიური ჩემპიონია. 2-გზის მსოფლიო ჩემპიონი. 3-გზის ევროპის ჩემპიონი. 2-გზის საბჭოთა კავშირის ჩემპიონი. საბჭოთა კავშირის საერთაშორისო კლასის სპორტის ოსტატი.

ლეილა მესხი - ჩოგბურთი

ლეგენდარული ქართველი ჩოგბურთელი. ზაფხულის ოლიმპიური თამაშების ბრინჯაოს პრიზიორი ქალთა წყვილში. ფედერაციის თასის ფინალისტი საბჭოთა კავშირის გუნდის შემადგენლობაში. კარიერის დასრულების შემდეგ დააფუძნა ჩოგბურთის აკადემია. იყო საქართველოს ჩოგბურთის ფედერაციის თავმჯდომარე. ასევე, აზერბაიჯანის WTA ტურნირის „ბაქოს თასის“ დირექტორი.

ნინო სალუქვაძე - მიზანში სროლა

ქართველი მიზანში მსროლელი. 3-გზის ოლიმპიური მედლის მფლობელი. 6-გზის მსოფლიო ჩემპიონი. 5-გზის ევროპის ჩემპიონი. ნინო სალუქვაძემ ოქროსა და ვერცხლის ოლიმპიური მედლები სულ რაღაც 19 წლის ასაკში მოიგო. ის გახდა პირველი ქალი სპორტსმენი, რომელმაც 10 ოლიმპიადაზე იასპარეზა

ირმა ხეცურიანი - პარაფარიკაობა

ქართველი პარამოფარიკავე. საუკეთესო ეტლით მოფარიკავე ქალის ტიტულის მფლობელი. მსოფლიო და ევროპის ჩემპიონი. მსოფლიო თასის მრავალგზის გამარჯვებული.

გვანცა ზადიშვილი - პარაფარიკაობა

მსოფლიო თასის 3 ვერცხლის მფლობელი, მსოფლიო ჩემპიონატის ბრინჯაოს პრიზიორი.

ნინა თიბილაშვილი - პარაფარიკაობა

3-გზის მსოფლიო ჩემპიონი 23-წლამდელებში. ევროპის ორგზის ვიცე-ჩემპიონი, 4 ოქროს მედალი მსოფლიო თასზე. პარალიმპიადის ვერცხლისა და ბრინჯაოს პრიზიორი.

ეთერ ლიპარტელიანი - ძიუდო

პირველი ქართველი ძიუდოისტი ქალი, რომელმაც ოლიმპიური ლიცენზია მოიპოვა. ახალგაზრდებს შორის 2-გზის მსოფლიო ჩემპიონი. 23-წლამდელთა შორის ევროპის ჩემპიონი. ევროპის ზაფხული ოლიმპიური ფესტივალის გამარჯვებული. ევროპის ღია პირველობის გამარჯვებული. 2022 წლის საქართველოს საუკეთესო ქალი სპორტსმენი.

სალომე ფაჟავა - მხატვრული ტანვარჯიში

ქართველი მხატვრული ტანმოვარჯიშე. მრავალგზის საქართველოს ჩემპიონი, მსოფლიო თასების პრიზიორი, ახალგაზრდული ევროპის ჩემპიონატისა და ევროპული თამაშების ბრინჯაოს პრიზიორი.

რა  თქმა უნდა, ეს იმ წარმატებულ ქალ სპორსტმენთა არასრული სიაა, რომლებიც ქართული სპორტის ისტორიაში ოქროს ასოებით ჩაეწერნენ. ვისურვოთ, რომ ასეთი მომავალში კიდევ ბევრი იყოს.