ციფრები: რაფინია ლა ლიგაში პენალტების მეფეა

ბარსელონამ ლა ლიგის ახალი სეზონი შთამბეჭდავად დაიწყო და ტიტულის დაცვა სტუმრად ელჩეს 5:0 განადგურებით დაიწყო.

მატჩის მთავარი გმირი რაფინია გახდა, რომელმაც კიდევ ერთხელ დაამტკიცა, რომ ჰანსი ფლიკის გუნდის ერთ-ერთი ყველაზე სახიფათო იარაღია.

100%-იანი სიზუსტე ნიშნულიდან

სტატისტიკურმა პლატფორმამ Squawka-მ ბრაზილიელის შთამბეჭდავ მონაცემებზე გაამახვილა ყურადღება. 2022 წლის ზაფხულში ბარსელონაში ტრანსფერის შემდეგ, რაფინიას ლა ლიგაში საუკეთესო შედეგი აქვს იმ ფეხბურთელებს შორის, ვისაც პენალტების ასპროცენტიანი სიზუსტე უფიქსირდებათ. ბრაზილიელმა კატალონიელთა მაისურით ყველა ტურნირზე 9 პენალტი დაარტყა და ცხრავე გოლით დაასრულა, მას თერთმეტმეტრიანი არასდროს გაუფუჭებია. ელჩესთან მატჩში ანგარიში სწორედ მისი ზუსტი დარტყმით გაიხსნა.

ბრწყინვალე მატჩი ელჩესთან

პენალტის გარდა, რაფინიამ მოედანზე გატარებულ 80 წუთში ბრწყინვალე თამაში აჩვენა. მან მეორე გოლიც გაიტანა და კარიმ ადეიემის საგოლე გადაცემა გაუკეთა. მის ანგარიშზე ბურთთან 25 შეხება, 18-დან 15 ზუსტი პასი და მეტოქის საჯარიმოში 6 შეხება იყო. ბრაზილიელმა კარში სამჯერ დაარტყა (სამივე ზუსტად) და თანაგუნდელებს 3 მომენტი შეუქმნა (მათგან 2 რეალური საგოლე შანსი).

რაფინიას გარდა, ბარსელონას მხრიდან დუბლი ფერმინ ლოპესმაც გაიფორმა, ხოლო შეცვლაზე შესულმა ენტონი გორდონმა 2 საგოლე პასი მიითვალა. ფლიკის გუნდმა ამ შთამბეჭდავი სტარტით დაადასტურა, რომ ზედიზედ მესამე ტიტულისთვის საბრძოლველად სრულ მზადყოფნაშია.