ინგლისის ნაკრების მთავარმა მწვრთნელმა, თომას ტუხელმა, განაცხადს მიღმა მაგუაიერის, პალმერის, ფოდენის და სხვა ვარსკვლავების დატოვებაზე ისაუბრა.
ოფიციალურად: ინგლისის ნაკრების შემადგენლობა 2026 წლის მუნდიალისთვის
„გამიკვირდა მაგუაიერის განცხადების წაკითხვა [სადაც ის ამბობდა, რომ შოკირებული იყო]. ჩვენ გვქონდა პირადი საუბარი და მას ჰქონდა შანსი, თავისი გრძნობები გამოეხატა.
გადაწყვეტილება ასეთია - ჩვენ დავეყრდენით იმ ცენტრალურ მცველებს, რომლებმაც შემოდგომა გადაგვატანინეს.
ეს იყო რთული სატელეფონო ზარები. პატივს ვცემ თითოეულ მათგანს, როგორც ფეხბურთელებსა და პიროვნებებს. ყველა მათგანი იყო შეკრებაზე და თავი შესანიშნავად წარმოაჩინა.
შემადგენლობის შემცირება რთული იყო, ზოგჯერ მტკივნეულადაც კი. სატელეფონო საუბრების დროსაც კი ვგრძნობდი მათ ემოციებს.
დავურეკე ყველა ფეხბურთელს, რომელიც ჩვენთან ერთად შეკრებაზე ერთხელ მაინც ყოფილა. ბევრი მათგანი იმსახურებდა ჩვენთან ყოფნას.
საბოლოოდ, დავუბრუნდით იმ მტკიცებულებებს, რაც გვქონდა — სექტემბერში, ოქტომბერსა და ნოემბერში ლიდერთა ჯგუფსა და გუნდში ძალიან მცირე ცვლილებები გვქონდა... მაშინ ვიგრძენით, რომ გვქონდა ახალი ენერგია, ახალგაზრდა ფეხბურთელები, რომლებიც დიდი მონდომებით თამაშობდნენ. ეს იყო ახალგაზრდებისა და გამოცდილების კარგი ნაზავი, რამაც მოთამაშეებისგან მაქსიმუმი გამოავლინა.
ჩვენ გვსურს ამ სულისკვეთების ხელახლა შექმნა - სწორედ ამიტომ, დიდწილად ვენდობით იმ ჯგუფს, რომელიც ამ სამ შეკრებაზე ჩვენთან ერთად იყო.
ზოგიერთისთვის ეს პოზიციური საკითხი იყო - არ გვინდოდა ხუთი „ათი ნომრის“ წაყვანა და მათი არასათანადო პოზიციებზე თამაში“. - აღნიშნა გერმანელმა სპეციალისტმა.
