ოფიციალურად: მანჩესტერმა კერიკთან სრულფასოვანი კონტრაქტი გააფორმა

კერიკი მანჩესტერში რჩება.

მაიკლ კერიკმა მანჩესტერ იუნაიტედთან ახალი კონტრაქტი გააფორმა, რომელიც ძალაში 2028 წლის ივნისამდე იქნება და მოიცავს 2029 წლამდე გახანგრძლივების შესაძლებლობასაც.

ინგლისელმა მანჩესტერი იანვარში, სეზონის ბოლომდე დროებითი მწვრთნელის სტატუსით ჩაიბარა და 16 მატჩში ხელმძღვანელობა მის დატოვებაში დაარწმუნა (11 მოგება, 3 ფრე, 2 მარცხი). გუნდმა სეზონის შედეგად პრემიერ ლიგის მე-3 ადგილი გაინაღდა და ჩემპიონთა ლიგაზეც დაბრუნდა.

„ჩვენი განსაკუთრებული საფეხბურთო კლუბის გაძღოლის პასუხისმგებლობა უდიდესი სიამაყით მავსებს.

გასული ხუთი თვის განმავლობაში, ფეხბურთელების ამ ჯგუფმა აჩვენა, რომ მათ შეუძლიათ მიაღწიონ მდგრადობის, ერთიანობისა და მონდომების იმ სტანდარტებს, რასაც ჩვენ აქ ვითხოვთ.

ახლა დროა, ერთად კვლავ წინ ვიაროთ - ამბიციითა და მიზნის მკაფიო განცდით.

მანჩესტერ იუნაიტედი და ჩვენი წარმოუდგენელი გულშემატკივრები იმსახურებენ, რომ კვლავ უდიდესი ტიტულებისთვის იბრძოდნენ“. - აღნიშნა კერიკმა კონტრაქტის გაფორმების შემდეგ.