ინგლისის ნაკრების მთავარმა მწვრთნელმა, თომას ტუხელმა განაცხადა, რომ მსოფლიო ჩემპიონატზე გუნდის გამოსვლის გამო სინანულის გრძნობა არ აქვს.
ინგლისელები ნახევარფინალში არგენტინასთან 1:2 დამარცხდნენ, სადაც ორივე გოლი მეორე ტაიმის მიწურულს გაუშვეს.
„ეს შეგიძლიათ მილიონ მწვრთნელთან განიხილოთ, მაგრამ გადაწყვეტილებებს მე ვიღებ. მატჩი გავაანალიზე და კონკრეტული გზით ვიმოქმედე, ასე რომ, პასუხისმგებლობა ჩემზეა.
ამ მომენტში არაფერს ვნანობ. გუნდმა ძალები არ დაიშურა, გამარჯვებასთან ძალიან, ძალიან ახლოს ვიყავით. ვიმსახურებდით, რომ 1:0 მოგვეგო.
ერთ-ერთი საუკეთესო თამაში ჩავატარეთ, შესაძლოა საუკეთესოც კი არსებული გარემოებების გათვალისწინებით. გუნდი სიმაღლეზე იდგა, შემდეგ ეტაპზე ვერ გავედით, მაგრამ სინანული არ გვაქვს.
ვფიქრობ, მთელი მატჩის განმავლობაში ვხედავდით ბრძოლისუნარიანობასა და ძლიერ გუნდს. ჯგუფში ძლიერი მეტოქეების წინააღმდეგ ვითამაშეთ, დიდი მანძილები დავფარეთ, მაღალ სიმაღლეზე მოგვიწია ასპარეზობა, კაცნაკლულებიც ვრჩებოდით, სიცხეშიც ვთამაშობდით და ყველა დაბრკოლება გადავლახეთ.
დღეს მოგებასთან ძალიან ახლოს ვიყავით. ახლა მთელი ტურნირის ანალიზის დრო არ არის, ჩვენ უბრალოდ გადამწყვეტი მატჩი წავაგეთ“, - განაცხადა ტუხელმა.
