საქართველოს 17-წლამდელთა ნაკრებმა ჩრდილოეთ მაკედონიელ თანატოლებთან ამხანაგური შეხვედრა გამართა.
რუსთავის მუნიციპალური საფეხბურთო ცენტრის მოედანზე გამართული მატჩი გოლის გარეშე, 0:0 დასრულდა.
სანდრო კობახიძის გუნდი ამავე მეტოქის წინააღმდეგ კიდევ ერთ სატესტო თამაშს ჩაატარებს - 26 თებერვალს, 17:00 საათზე, დიდი დიღმის სფფ-ის საფეხბურთო ცენტრის მოედანზე.
საქართველოს 17-წლამდელთა ნაკრები, გაზაფხულზე სარეიტინგო ტურნირში მიიღებს მონაწილეობას და უელსს, სან მარინოსა და ანდორას შეხვდება - მატჩებს 10-16 აპრილს სან მარინო უმასპინძლებს.
