საქართველოს ნაკრები UEFA-ს ერთა ლიგის პირველ ტურში განცდილი მარცხის დავიწყებას შეეცდება.
აწ უკვე რამაზ სვანაძის გუნდი თბილისში უკრაინის ნაკრებს უმასპინძლებს, რომელმაც გათამაშება მნიშვნელოვანი საგარეო გამარჯვებით დაიწყო.
,,დიდი გზის გავლა დამჭირდა" - სვანაძის პირველი პრესკონფერენცია ნაკრებში
მატჩის სიახლეები და მიმდინარე ფორმა
საქართველოს ნაკრებმა ერთა ლიგის პირველი მატჩი ისტორიაში პირველად წააგო. პარასკევს ჩრდილოეთ ირლანდიასთან შეხვედრის ბედი მეტოქის ძალიან გვიან გატანილმა გოლმა გადაწყვიტა.
ეს საქართველოსთვის 2026 წელს პირველი მარცხი იყო (2 მოგება, 2 ფრე).
აღნიშნული ოთხმატჩიანი წაუგებელი სერია 2022 წლის შემდეგ საქართველოსთვის მხოლოდ მე-2 ასეთი შემთხვევა იყო, თუმცა ოთხივე შეხვედრა ამხანაგური გახლდათ.
ოფიციალურ მატჩებში ვილი სანიოლის გუნდმა ბოლო 7 შეხვედრიდან 6 წააგო (1 მოგება) და ამ პერიოდში 16 გოლი გაუშვა, ფრანგი სპეციალისტი კი გუნდს დაემშვიდობა და მისი ადგილი რამაზ სვანაძემ დაიკავა.
ისტორია გვიჩვენებს, რომ საქართველოს თბილისში რეაბილიტაციის კარგი შანსი აქვს, საკუთარ მოედანზე ჩატარებული ბოლო 20 მატჩიდან გუნდმა მხოლოდ 5 წააგო (10 მოგება, 5 ფრე).
უკრაინამ ზედიზედ მე-3 სეზონი B ლიგაში უნგრეთის სტუმრად 1:0 დამარცხებით დაიწყო. ეს ახალი მთავარი მწვრთნელის, ანდრეა მალდერასთვის პირველი ოფიციალური შეხვედრა იყო.
მან გუნდი მას შემდეგ ჩაიბარა, რაც უკრაინა მარტში მსოფლიო ჩემპიონატის პლეი-ოფში შვედეთთან დამარცხდა.
მალდერას ხელმძღვანელობით უკრაინამ 4 მატჩიდან 3 მოიგო და სამივე გამარჯვებისას კარი მშრალად შეინახა, ხოლო 1 შეხვედრა წააგო.
ახლა მისი ამოცანაა, უკრაინას ზედიზედ 2 ოფიციალური საგარეო მატჩი მოაგებინოს, რაც გუნდს 2024 წლის მარტის შემდეგ არ გაუკეთებია.
უკრაინელები A ლიგაში დაბრუნებას პირველად 2020/21 წლების სეზონის შემდეგ ცდილობენ.
ურთიერთშეხვედრების ისტორია
უკრაინა საქართველოსთან ჩატარებულ წინა 11 შეხვედრაში დაუმარცხებელია - 7 მოგება და 4 ფრე.
საინტერესოა, რომ ოთხივე ფრე საქართველოში გამართულ შეხვედრებში დაფიქსირდა. უკრაინას საქართველოსთან სტუმრად 2 მატჩი აქვს მოგებული.
ამ გუნდების ბოლო დაპირისპირება საქართველოში ერთა ლიგის 2024 წლის გათამაშებაში ფრედ დასრულდა.
საინტერესო სტატისტიკა და სერიები
საქართველოს ბოლო 10 ოფიციალური მატჩიდან რვაში მინიმუმ 3 გოლი გავიდა.
საქართველოს მიერ 2026 წელს გაშვებული ოთხივე გოლი მეორე ტაიმში გავიდა.
უკრაინის ბოლო 8 მატჩიდან ერთა ლიგაზე მხოლოდ ერთ შემთხვევაში დასრულდა პირველი ტაიმი უგოლოდ.
უკრაინის მიერ ოფიციალურ მატჩებში ბოლოს გაშვებული 13 გოლიდან 10 მეორე ტაიმში გავიდა.
შემადგენლობები
საქართველო და უკრაინა პირველ ტურში ამ სასტარტო შემადგენლობებით გამოვიდნენ მოედანზე.
საქართველო - მამარდაშვილი; გოგლიჩიძე, დვალი, ლოჩოშვილი; კაკაბაძე, ქოჩორაშვილი, მექვაბიშვილი, ხარებაშვილი; კვერნაძე, მიქაუტაძე, კვარაცხელია
უკრაინა - რიზნიკი; კრუპსკი, ზაბარნი, მატვიენკო, მიკოლენკო; ციგანკოვი, ოჩერეტკო, ბრაჟკო, სუდაკოვი; სიკანი, ვანატი
თუმცა ისიც სათქმელია, რომ პირველ ტურში ეროვნული გუნდის მწვრთნელი ვილი სანიოლი იყო, ახლა კი საქართველოს ნაკრებში სადებიუტო მატჩს რამაზ სვანაძე ჩაატარებს, რომელიც სავარაუდოა, რომ შემადგენლობაში ცვლილებებს შეიტანს.
საქართველოსა და უკრაინის მატჩი დინამო არენაზე 20:00 საათზე დაიწყება.
საქართველო vs უკრაინა - ვინ იქნება მთავარი მსაჯი?
