საქართველოსა და უკრაინის ეროვნული ნაკრებების შეხვედრას აზერბაიჯანელ მსაჯთა ბრიგადა მოემსახურება.
მატჩის მთავარი არბიტრი ალიარ აღაიევი იქნება. მას ასისტენტობას თანამემამულეები - ზეინალ ზეინალოვი და აკიფ ამირალი გაუწევენ.
მეოთხე მსაჯის ფუნქციას ასევე აზერბაიჯანელი რაუფ ჯაბაროვი შეასრულებს.
VAR-ის ოთახში მთავარი ვიდეოასისტენტი იტალიელი ალეანდრო დი პაოლო იქნება, ხოლო VAR-ის ასისტენტის ფუნქციას აზერბაიჯანელი ინგილაბ მამადოვი შეასრულებს.
აღაიევს საქართველოს ნაკრების მატჩში არასდროს უმსაჯია, უკრაინის თამაშზე კი ერთადერხელ, 2014 წელს იმუშავა. 12 წლის წინ უკრაინისა და ლიეტუვას ამხანაგურ შეხვედრაში აზერბაიჯანელმა მოთამაშეებს 4 ყვითელი ბარათი უჩვენა.
საქართველოსა და უკრაინის მატჩი 28 ოქტომბერს, 20:00 საათზე, დინამო არენაზე გაიმართება.
