უნგრელების შეფასება თბილისურ მატჩზე

საქართველოსა და უნგრეთის ეროვნულ ნაკრებებს შორის თბილისში, მიხეილ მესხის სტადიონზე გამართული შეხვედრის (0:2) შემდეგ, უნგრულმა მედიამ მატჩი საკმაოდ საინტერესოდ შეაფასა. განსაკუთრებული ყურადღება გამახვილდა სტადიონზე არსებულ ატმოსფეროზე.

უნგრული გამოცემების ცნობით, "განსაკუთრებით ხმაურიანი ატმოსფეროს მოლოდინი არ ყოფილა".

მათ გაიხსენეს საქართველოს ნაკრების ყველა დროის საუკეთესო ბომბარდირის, შოთა არველაძის მატჩისწინამდელი კომენტარი, სადაც მან აღნიშნა:

მიხეილ მესხის სტადიონზე განსაკუთრებული ხმაური იშვიათად არის და გარემო უფრო ხმაურიან თეატრს ჰგავს,  გულშემატკივრები მხოლოდ მაშინ აქტიურდებიან, როდესაც მასპინძლობი შეტევაზე გადადიან

თამაშის მსვლელობის შეფასებისას უნგრელებმა აღნიშნეს, რომ მოედანზე ნანახი სურათი საწყის წუთებში არც ისე სასიამოვნო იყო, რადგან უკვე მე-40 წამზე მათ მეკარეს, ბალაშ ტოტს ურთულესი ბურთის მოგერიება მოუწია. თუმცა, დაახლოებით 15 წუთის შემდეგ მასპინძელთა შეტევების ტემპი შენელდა და უნგრელებმა საწყის წნეხს თავი დააღწიეს. მათი პირველი რეალური სახიფათო მომენტი მე-14 წუთზე შეიქმნა, როდესაც როლანდ შალაიმ 20 მეტრიდან დაარტყა და გიორგი მამარდაშვილი თამაშში ჩართო.

ამ მატჩის შემდეგ საქართველოს ნაკრები 2 ქულით ბოლო ადგილზეა და B ლიგაში დასარჩენად უკრაინასთან აუცილებლად უნდა გაიმარჯვოს.