ერთა ლიგის A დივიზიონის ცენტრალური შეხვედრის წინ, სადაც ესპანეთის ნაკრები უემბლიზე ინგლისს დაუპირისპირდა, სტუმართა ბანაკში უსიამოვნო ინციდენტი მოხდა.
Foot Mercato-ს ცნობით, ბარსელონას მცველი ერიკ გარსია ძირითად შემადგენლობაში იყო დასახელებული და მარჯვენა ფლანგზე უნდა ეთამაშა, თუმცა მატჩისწინა მოთელვისას მოულოდნელი ტრავმა მიიღო და მოედანი კოჭლობით დატოვა.
ესპანური პრესის ინფორმაციით, გარსიას ადგილი სასტარტო თერთმეტეულში ბოლო მომენტში მარკ პუბილმა დაიკავა.
ესპანეთის ნაკრებს ერთა ლიგის A დივიზიონის მესამე ჯგუფში საკმაოდ მძიმე კალენდარი აქვს. თომას ტუხელის ინგლისთან გასვლითი შეხვედრის შემდეგ, ლამინ იამალი და მისი თანაგუნდელები სამშაბათს ხორვატიას უმასპინძლებენ, რის შემდეგაც ჩეხეთთან და იმავე ხორვატიასთან გასვლითი მატჩები ელოდებათ.
