ვან ნისტელროი: "ბიჭებს ვუთხარი, რომ ევროთასებზე სახლში წელიწადზე მეტია არ მოგვიგია"

რუუდ ვან ნისტელროიმ ევროპა ლიგაზე პაოკთან მოგებული მატჩი შეაფასა.

„რბილად რომ ვთქვა, პირველი ტაიმი საკმაოდ სუსტი გამოვიდა, მეორე კი - გაცილებით უკეთესი, ეს აშკარაა.

ამად დიალომ გადამწყვეტი როლი ითამაშა. არამარტო გოლები გაიტანა, არამედ ძალიან სახიფათო იყო შეტევაში.

პირველ ტაიმში პოზიციებს საუკეთესოდ ვერ ვარჩევდით, მეორეში სიტუაცია გაუმჯობესდა. შესვენებამდე ჰოილუნდს საკმარის მომენტებს ვერ ვუქმნიდით, შემდეგ ეს შეიცვალა.

მატჩის წინ ბიჭებს ვუთხარი, რომ ემიუს ევროთასებზე ოლდ ტრაფორდზე წელიწადზე მეტია არ მოუგია. ამას უბრალოდ ვერ ვიჯერებდით. დრო იყო, სიტუაცია შეგვეცვალა. კლუბისთვის მნიშვნელოვანი მომენტი დგას.

ჩემთვის შედეგის მიღწევა მნიშვნელოვანია. მხოლოდ უნდა გვიხაროდეს ის, როგორ ითამაშეს ფეხბურთელებმა." - აღნიშნა ნიდერლანდელმა.