"ვერ ვიფიქრებდი, რომ მსუბუქი ვარჯიში ასე გამაბედნიერებდა", - კარვახალი მინდორზე მუშაობას შეუდგა

სეზონის დასაწყისში მუხლის ჯვარედინი მყესების გაწყვეტის შემდეგ, დანი კარვახალმა მოედანზე ვარჯიში განაახლა.

ფეხბურთელი რეაბილიტაციას აგრძელებს და თუ ყველაფერი გეგმის მიხედვით წავიდა, მის დაბრუნებას რეალი ზაფხულში, მსოფლიო საკლუბო ჩემპიონატზე ელოდება.

„ახლა, როცა მოედანზე ვარჯიში დავიწყე, ვგრძნობ რომ დაბრუნებასთან უფრო ახლოს ვარ.

ვერასდროს ვიფიქრებდი, რომ მსუბუქი ინდივიდუალური ვარჯიში ასე გამაბედნიერებდა." - აღნიშნა კარვახალმა.