VIDEO: ასისტების პირადი რეკორდი ევროლიგაში - შენგელიას ბარსამ მაკაბის მოუგო
2 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
თორნიკე შენგელიას ბარსელონამ ევროლიგის მიმდინარე სეზონში მე-3 გამარჯვება მოიპოვა. კატალონიელები თელ-ავივის მაკაბის ბელგრადში ესტუმრნენ და 92:71 დაამარცხეს. მატჩის ბედი გადაწყდა პირველსავე ტაიმში, რომელიც ბარსამ 28-ქულიანი სხვაობით მოიგო.
შენგელია სასტარტო ხუთეულში იყო და 18:37 წუთში 8 ქულა, 7 მოხსნა (3 შეტევაში) და ევროლიგაში პირადსარეკორდო 8 პასი მიითვალა. თოკომ 4-დან 2 ორქულიანი, 3-დან 1 სამქულიანი და 2-დან 1 საჯარიმო ჩააგდო, 2 პერსონალური ფოლი მიიღო და მის წინააღმდეგაც 2-ჯერ დაჯარიმდნენ.
შენგელიას სარგებლიანობის კოეფიციენტმა 18 შეადგინა და ის ამ კომპონენტში ბარსელონადან მხოლოდ ვილი ერნანგომესს ჩამორჩა - 27.
ბარსელონა 3 მოგებითა და 1 მარცხით ცხრილში მე-2 ადგილზეა, მომდევნო მატჩს კი 16 ოქტომბერს, კვლავ სტუმრად, ტურნირის ახალწვეულ დუბაისთან ჩაატარებს.
